Moıynqum tóskeıinde mal sharýashylyǵy qarqyndy damyp keledi

Agrosektor ekonomıkanyń jańa draıveri. Ulan-ǵaıyr alqapty jaılaǵan Qazaqstan úshin aýyl sharýashylyǵy ekonomıkalyq ósimdi qamtamasyz etýshi birden-biri sala sanalaýy beker emes. Bul oraıda, Memleket basshysy Qasym-Jomart Toqaev ta óz Joldaýynda aýyl sharýashylyǵy qazaqstandyqtardyń negizgi resýrsy ekenine basa nazar aýdaryp, onyń áleýetin tolyq paıdalanýǵa shaqyrdy. О́z kezeginde áý bastan aýyl sharýashylyǵyna mamandanyp, halyqtyń kóbi ata kásipke beıim Jambyl óńirinde Prezıdenttiń bul tapsyrmasyn oryndaýda tııanaqtylyq baıqalady, dep jazady Qamshy.kz aqparat agenttigi. 

Ásirese kezinde qoıshylar marshaly atanǵan Jazylbek Qýanyshbaevqa Sosıalıstik Eńbek Eri ataǵyn alyp bergen Moıynqum dalasynda mal sharýashylyǵyna aıryqsha mán berilýde. Búginde aýdan sharýalary 40 myńǵa jýyq múıizdi iri qara, 180 myńǵa jýyq qoı-eshki, 8 myńnan asa jylqy, 1500 basqa jýyq túıe ósirip jatyr. Jaz-Atanyń izbasarlary aýdanda maldyń basyn ósirip, odan mol ónim alýda nátıjeli eńbek etip keledi. Et, sút, jumyrtqa syndy aýyl sharýashylyǵy ónimderin óndirýde de aýyz toltyryp aıtarlyqtaı kórsetkish bar.

–О́tken jyldyń 8 aıynda mal sharýashylyǵy boıynsha 2 mıllıard 312 mıllıon 400 myń teńgeniń ónimi óndirilse, bıylǵy jyldyń 8 aıynda bul kórsetkish 2 mıllıard 818 mıllıon 300 myń teńgege deıin ulǵaıǵan. Sondaı-aq mal basy sanynda ótken jylmen salystyrǵanda ósim bar. Mysaly múıizdi iri qara sany 3872 basqa , qoı-eshki 2919 basqa, jylqy 302 basqa, túıe 226 basqa, úı qustary 3320 basqa óskenin maqtanyshpen aıtýǵa bolady. Nátıjesinde et, sút, jumyrtqa syndy aýyl sharýashylyǵyn ónimderin óndirýde joǵary nátıjege qol jetkizildi,–deıdi aýdan ákimi Máden Musaev.

Mal basy sanyn arttyryp, onyń ónimdiligin arttyrý jolynda sharýa qojalyqtarynyń eńbegi eren. Olar óz maldarynyń sapaly jem-shóp qorymen qamtylýmen birge túrli juqpaly indetterge qarsy egý sharalaryn júıeli uıymdastyra aldy. Nátıjesinde mal basy sany óz tóliniń esebinen kóbeıdi. Oǵan qosa shóbi shúıgin, qysy-jazy malǵa qolaıly aımaq sanalatyn Moıynqum óńirinii klımatyn da mal sharýashylyǵyn damytý esh qıyndyq týdyra qoımaıdy. Ári buǵan memleket tarapynan sharýalar qarastyrylǵan ońtaıly jaǵdaıdy qossańyz Moıynqumdaǵy mal sharýashylyǵy zaman aǵymymen damýdyń dańǵylyna túskenin ańǵara alasyz.