• USD 468.56

  • EUR 497.56

  • RUB 7.3

  • CNY 67.18

28 Naýryz, 18:04:44
Almaty
+35°

2025 jyldan Qazaqstanda latyn grafıkasyna negizdelgen qazaq tili álipbıi qoldanyla bastaıdy. Tuńǵysh Prezıdent pármen bergen tapsyrmany tııanaqty oryndaýdan jambyldyqtar aıanyp qalmaıdy. Oblysta latyn grafıkasyna negizdelgen qazaq tili álipbıin halyqqa ońaıyraq úıretý jumystary óz deńgeıinde qolǵa alynǵan, dep jazady Qamshy.kz aqparat agenttigi. 

Oblys ákimdiginiń tilderdi damytý basqarmasynyń «Latynnegizdi jańa álipbı jáne jazý reformasy» áleýmettik jobasy aıasynda kommersııalyq 77TV telearnasynan «LatynLIVE» telebaǵdarlamasy aıyna 2 ret efırge shyǵady. Búgingi kúnge deıin oblys turǵyndarynyń nazaryna baǵdarlamanyń 6 shyǵarylymy usynyldy. О́z kezeginde 77TV telearnasyndaǵy bul telebaǵdarlama oblys turǵyndarynyń 67,2 paıyzyn qamtıdy.

Jalpy jyl basynan beri latynnegizdi álipbıdi óńir turǵyndaryna túsindirý maqsatynda 399 is-shara ótkizilip, oǵan 198 555 adam qamtylǵan. Oblys ákimdigi men Qazaqstan Respýblıkasy Mádenıet jáne sport mınıstrliginiń Til saıasaty komıteti birlese otyryp respýblıkada alǵash ret qazaq tili álipbıin latyn grafıkasyna kezeń-kezeńimen kóshirýge baılanysty aqparattyq-nasıhattaý aptalyǵyn uıymdastyrdy. Aptalyq qorytyndysy boıynsha oblys ákimdiginiń tilderdi damytý basqarmasy «Eń úzdik ınternet baǵdarlama», «Eń úzdik latyn kabıneti», «Eń úzdik ádisker» nomınasııalarymen marapattaldy.

Qazaq tili álipbıin latyn grafıkasyna kóshirý jónindegi ulttyq komıssııa maquldaǵan jańa álipbı negizindegi qazaq tili emlesiniń erejelerin túsindirý jáne Qazalipbi.kz onlaın baǵdarlamasyn tanystyrý maqsatynda aýdandar men Taraz qalasy turǵyndaryna arnalǵan kóshpeli semınar-trenıngter uıymdastyrylsa, Taraz qalasynda ornalasqan 42 mekemede úıretý kýrstary júrgizilip, 800-den asa adam qamtyldy.

Osydan eki jyl buryn bekitilgen latyn grafıkasyna negizdelgen qazaq tili álipbıi áli de jetildirýdi qajet etedi. Bul jaıynda jaqynda ǵana Qazaqstan Respýblıkasynyń Prezıdenti Qasym-Jomart Toqaev tanymal áleýmettik jelilerdiń birinde qaldyrǵan jazbasynda aıtty. Sáıkesinshe bul baǵyttaǵy jumysty júıelendire túsý Memleket basshysynyń buıryǵymen Qazaqstan Respýblıkasy Mádenıet jáne sport mınıstri Aqtoty Raıymqulovanyń tikeleı baqylaýyn bolmaq.

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir