• USD 389.52
  • EUR 429.21
  • RUB 6.07
  • CNY 54.94
29 Qańtar, 21:56:00
Qazaqstan Ýkraınanyń saýda naryǵyna alańdaýly

22 Qazan, 2019 NEWS

"Din ókilderi beıbitshilik pen kelisimde ómir súrýde, biz sol úshin maqtana alamyz"

Almaty qalasy ákiminiń orynbasary Erjan Babaqumarov qala ımamdarymen kezdesti. Jıynda qoǵamdyq kelisim men konfessııaaralyq dıalogty saqtaý máseleleri talqylandy, dep habarlaıdy ákimdiktiń baspasóz qyzmeti.

Almatynyń bas ımamy Erkinbek Shoqaımen jáne aýdandardyń bas ımamdarymen bolǵan kezdesý kezinde jastarmen jumys júrgizýdiń erekshe mańyzy jáne jaýapkershiligi jóninde sóz boldy.

Memlekettiń ornyqty damýynyń negizi bolyp tabylatyn qoǵamnyń turaqtylyǵyn, kelisim men ózara túsinistikti saqtaýda qala meshitteri qyzmetkerleriniń mańyzdy ról atqaratyny atalyp ótti.

– Qazaqstanda túrli din ókilderi beıbitshilik pen kelisimde ómir súrýde, biz sol úshin maqtana alamyz. Qazaqstan musylmandarynyń dinı basqarmasy osynaý teńgerimdi saqtaýǵa aıtarlyqtaı úles qosýda, – dep atap ótti Erjan Babaqumarov.

Al Almaty qalasynyń bas ımamy Erkinbek Shoqaı óz sózinde meshitterdiń qala ómiriniń turaqtylyǵyna, qoǵamnyń tynyshtyǵyna qosyp jatqan úlesteri men meshit qyzmetkerleriniń únemi jamaǵatqa otansúıgishtik pen beıbitshilikti qadirleýge baǵyttalǵan ýaǵyz-nasıhattaryn júrgizip jatqanyn tilge tıek etti.

Sondaı-aq, meshitter tarapynan Ramazan aıy men eki aıt merekelerinde jáne basqa da ataýly kúnderde jasalyp jatqan qaıyrymdylyq jumystaryna toqtaldy. Eń bastysy, meshit isteriniń júrýine qoldaý bildirip otyrǵan qala ákimshiligi men qala ákimi Baqytjan Saǵyntaevqa alǵys bildirdi. 

Almatyda 17 konfessııa enetin 180 dinı birlestik, onyń ishinde Qazaqstan musylmandary Dinı basqarmasynyń 50 meshiti bar.

 

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir