Eriktilik qozǵalysy qarqyndy damyp keledi

Memlekettik jastar saıasatynda Qazaqstan Respýblıkasy Prezıdenti Joldaýynan týyndaǵan basty mindettiń biri keler jyldyń Eriktiler jyly dep jarııalanýy boldy. Oblysta qazirdiń ózinde eriktilik qyzmettiń áleýetin maqsatty paıdalaný múmkindigi jan-jaqty qarastyrylýda, dep jazady Qamshy.kz aqparat agenttigi. 

Bıyl oblystaǵy 2 myńǵa jýyq eriktiniń derekqory jasaldy. Sondaı-aq «Qamqor» volonterlik-qaıyrymdylyq jobasyn iske asyrý jónindegi jospar da bekitildi. Jobany iske asyrýǵa 15 mıllıon teńge qarjy qaraldy.

–Bul qarjyǵa Taraz qalasynda 3 qaıyrymdylyq dúkeni ashylyp, olarǵa qajetti jabdyqtar satyp alyndy. Sondaı-aq halyq kóp shoǵyrlanatyn saýda oryndarynda 5 qaıyrymdylyq jáshigi ornatyldy. Jyl basynan beri atalǵan dúkender men jáshikter arqyly 977 otbasyna 4 tonnaǵa jýyq kıim-keshek taratyldy. Sol sııaqty, joba aıasynda volonterlerdiń kómegimen oblys boıynsha 609 otbasyna 3 mıllıon 200 myń teńgege azyq-túlikpen kómek kórsetildi. Munan bólek «Qyzyl jarty aı» qoǵamdyq qory-754 keli kıim-keshek túrinde gýmanıtarlyq kómek kórsetti. Olardyń barlyǵy da muqtaj otbasylarǵa taratyldy.

Jambyldyq eriktiler kómekke muqtaj azamattarǵa qol ushyn sozýdan bólk túrli mádenı-sporttyq kópshilik sharalar uıymdastyrý sharalarynyń bel ortasynan tabylýda. Al nátıjeli jumys atqarǵan 12 volonterge demalys oryndaryna joldama aldy.

Jambyldyq eriktiler Arys qalasyndaǵy jarylystan zardap shegýshilerge kómek kórsetýden de aıanyp qalmady. «QamQor» qaıyrymdylyq dúkeninde gýmanıtarlyq kómek qabyldaý pýnkti ashyldy. Eldigimiz synalǵan osy bir shaqta jambyldyq eriktilerdiń belsendiligine 20 qaltaly azamat pen «Voltman» avtodúkender jelisi ún qatty.Olardyń kómegimen jınalǵan qarjyǵa turmysqa qajetti jabdyqtar alyndy. Osy bir shaqta jambyldyq eriktiler 67 adamǵa kómekke kórsetti. Apat aımaǵynan jan saýǵalap kelgen arystyqtar ornalastyrylǵan №13 Temirjol kolledjine eriktilerdiń turaqty baqylaýynda boldy, –deıdi oblys ákimdiginiń jastar saıasaty máseleleri basqarmasynyń basshysy Serikbol Berikqoja.

Osydan týra 3 jyl buryn Jambyl jerinde Qazaq handyǵynyń 550 jyldyǵy halyqaralyq deńgeıde atalyp ótti. Osynaý aýqymdy sharanyń bel ortasynda júrip, handyq toıynyń óz deńgeıinde ótýine úles qosqan jambyldyq jastarda eriktiliktiń mol tájirıbesi bar ekenin de aıta ketý kerek.