Qazaqstan halqynyń 74,9 paıyzy Toqaevqa senedi

Eýrazııalyq ıntegrasııa ınstıtýty QR Prezıdenti Qasym-Jomart Toqaevtyń qyzmetine jurtshylyqtyń kózqarasyn anyqtaý maqsatynda saýalnama júrgizdi, dep habarlaıdy Qamshy.kz aqparat agenttigi Instıtýttyń resmı saıtyna silteme jasaı otyryp. 

Saýalnama 14 oblystyq ortalyqtar men aýyldyq eldi mekenderde, respýblıkalyq mańyzy bar úsh qalada – Nur-Sultan, Almaty, Shymkentte júrgizildi. Saýalnamaǵa 18 jastan asqan azamattar qatysty. 

Saýalnamaǵa sáıkes, el Prezıdentine tikeleı qoldaýdyń joǵary deńgeıi baıqalady. Toqaev Q.Q.-ny Memleket basshysy retinde halyqtyń 70,3% qoldaıdy. Qoǵamda Qazaqstan Respýblıkasy Prezıdentine degen senimdilik deńgeıi joǵary - 74,9%. 

Respondentterdiń 70%-dan astamy Prezıdenttiń bastamalary halyqtyń ál-aýqatyn jaqsartýǵa, eldi damytýǵa qaýqarly dep sanaıdy.

Olardyń pikirinshe, QR Prezıdentiniń «Jerdiń sheteldikterge satylmaıtyny týraly málimdemesi», «Adamdarǵa, ásirese balalarǵa qarsy aýyr qylmystarǵa beriletin jazany kúsheıtý», «Kóp balaly jáne tabysy az otbasylarǵa jaldamaly baspana berý», «Nesıe raqymshylyǵy», «Qazaqstannyń strategııalyq áriptestermen jáne halyqaralyq uıymdarmen belsene yntymaqtastyq etýi» sekildi sharalary mańyzdy.

Saýalnamaǵa qatysýshylar Prezıdent pen Úkimettiń jalaqy, zeınetaqy mólsherin, jalpy eldiń ál-aýqatyn kóteretinine, baspanany qoljetimdi etetinine, sybaılas jemqorlyqty joıyp, medısınalyq qyzmet pen bilim berý sapasyn arttyratynyna úmit bildirdi.