• USD 389.52
  • EUR 429.21
  • RUB 6.07
  • CNY 54.94
30 Qańtar, 04:12:42
Qazaqstan Ýkraınanyń saýda naryǵyna alańdaýly

21 Qazan, 2019 Aımaqtar

Bilim sapasy jyl sanap artyp keledi

Aýyl men qala mektebi arasyndaǵy alshaqtyqty joıý. Qazaqstan Respýblıkasy Prezıdenti Qasym Jomart Toqaevtyń Qazaqstan halqyna arnaǵan tuńǵysh Joldaýynda dál osy másele aıryqsha mán beriledi. Ári máseleni sheshýde aýyl mektebine bilikti pedagogterdi tartý tájirıbesin qalyptastyrý jaıynda aıtyldy. Bul oraıda Moıynqum aýdanynda da jyl sanap mekteptiń materıaldyq tehnıkalyq bazasy nyǵaıyp, ustazdardyń biliktiligi eselenýi nátıjesinde bilim sapasy da arta túsken, dep jazady Qamshy.kz aqparat agenttigi. 

Aýdandaǵy mektepterdegi bilim sapasy jaıynda aıtqanda eń áýeli olardyń materıaldyq-tehnıkalyq bazasyn nyǵaıa túskenine aıryqsha nazar aýdarǵan jón. Máselen negizinen tıptik jobamen salynǵan Moıynqum aýdanyndaǵy bilim berý oryndaryna turaqty túrde kúrdeli jáne aǵymdaǵy jóndeý jumystary júrgizilip turady.

–О́tken jyly K.Qasymov, Y.Altynsarı atyndaǵy orta mektep ǵımarattary kúrdeli jóndeýden ótse, bıyl Á.Moldaǵulova, Aǵybaı batyr, M.Jumabaev atyndaǵy mektepterdiń qazandyqtary syrtqa shyǵaryldy. Á.Tólepbergenov, T.Rysqulov, Abaı atyndaǵy orta mektepterdiń terezeleri plastıkke aýystyryldy. M.Jumabaev atyndaǵy mektep-lıseıiniń 2 korpýsy kúrdeli jóndeýden ótti. Abaı, B.Momyshuly, Q.Rysqulbekov, №1 orta mektepteri ǵımarattarynyń ınjenerlik qurylymdary aǵymdaǵy jóndeýden ótkenin de aıtýǵa bolady, –deıdi aýdan ákimi Máden Musaev.

Aýdan mektepteriniń materıaldyq áleýetimen birge ondaǵy bilim salasy da jyl sanap kóterilip keledi.

–Bıyl mektep bitirýshi túlekterdiń Ulttyq biryńǵaı testileýdegi ortasha bally 91,5 paıyzdy kórsetti. Bul ótken jylmen salystyrǵanda 4,3 paıyz joǵary ekenin atap ótken jón,–deıdi Máden Toqtarbaıuly.

Bilim sapasy qashanda óńirdiń áleýmettik –ekonomıkalyq damýyndaǵy negizgi kórsetkishtiń biri bolyp qala beredi. Ári bilim sapasy arttyrmaı óńirdegi ózge salalarda tabysqa qol jetkizý múmkin emestigi de belgili jaıt. Mektep qabyrǵasynan bastalǵan sanaly tárbıe, sapaly bilim berý isi kúni erteń tutas qoǵamnyń damýynyń alǵysharty ekenin eskersek bul máselege atústi qaraýǵa bolmaıdy. Ásirese aýyl mektepteriniń materıaldyq-tehnıkalyq bazasyn jetildirý, olardy bilikti mamandarmen qamtý isi basty nazarda. Prezıdent pármen bergen bul baǵytta sonda ǵana nátıjege jetip, aýyl men qala mektepteri arasyndaǵy aıyrmashylyqty joıýǵa qol jetkizilmek.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir