• USD 389.52
  • EUR 429.21
  • RUB 6.07
  • CNY 54.94
14 Jeltoqsan, 09:45:31
Qazaqstan Ýkraınanyń saýda naryǵyna alańdaýly

21 Qazan, 2019 Aımaqtar

Memlekettik qyzmetter sapasy artýda

Memleket basshysy Qasym-Jomart Toqaev «Syndarly qoǵamdyq dıalog-Qazaqstan turaqtylyǵy men órkendeýiniń negizi» atty Qazaqstan halqyna Joldaýynda «Memlekettik qyzmetshiler jumysynyń tıimdiligin arttyrý maqsatynda arnaıy daıyndyǵy bar jas kadrlardy tartý qajet. Sonymen birge 2020 jyldan bastap biz memlekettik qyzmetshilerdiń sanyn birtindep qysqartýǵa kirisip, únemdelgen qarajatty neǵurlym paıdaly qyzmetkerlerdi yntalandyrýǵa jumsaımyz.

2024 jylǵa qaraı memlekettik qyzmetshilerdiń jáne ulttyq kompanııalar qyzmetkerleriniń sanyn 25 paıyzǵa qysqartý qajet» dep atap kórsetip, naqty mindetter júktegen bolatyn.

Qazirgi tańda Jambyl oblysynda da memlekettik qyzmetterdiń sapasyn arttyrý, olardy ońtaılandyrý jáne avtomattandyrý máselesine aıryqsha basymdyq berilýde.

Bıyl aımaqta memlekettik kórsetiletin qyzmetter tizilimindegi 742 qyzmettiń 202-si jergilikti atqarýshy organdarymen kórsetilýde. Onyń ishinde 84 qyzmet memlekettik korporasııa arqyly, 118 qyzmet elektrondy túrde, 41 qyzmet tek memleketik organ arqyly qaǵaz túrinde, 103 qyzmet balamaly negizde qaǵaz túrinde kórsetilýde.

Statıstıkalyq málimetterge súıensek, 2019 jyldyń I toqsanynda jergilikti atqarýshy organdarmen barlyǵy 1,3 mıllıon memlekettik qyzmet kórsetilip, 2018 jyldyń osy kezeńimen salystyrǵanda 6,8 paıyzǵa artqan.

Qazaqstan Respýblıkasy Tuńǵysh Prezıdentiniń 2010 jylǵy №954 Jarlyǵyna sáıkes, ýákiletti organnyń baǵalaý nátıjeleri boıynsha Jambyl oblysy óńirlerdiń jergilikti atqarýshy organdary arasynda 2015 jyly – 5-shi oryndy, 2016 jyly – 2-shi oryndy, 2017 jyldyń qorytyndysy boıynsha 8-shi oryndy ıelengen.

Sonymen qatar, 2018 jyldyń tamyz-qazan aılarynda «SANGE» ǵylymı-zertteý ortalyǵymen júrgizilgen áleýmettik saýalnama arqyly qoǵamdyq monıtorıng nátıjesi anyqtaldy. Onyń sheńberinde tutynýshylarmen jáne qyzmet kórsetýshilermen tereńdetilgen suhbat júrgizilgen, «qupııa satyp alý» ádisimen baqylaý, sondaı-aq fokýs-toptyq pikirtalastar ótkizilgen.

2018 jyly zertteý júrgizý úshin qoǵamdyq monıtorıngke 37 ortalyq memlekettik organdardyń jáne 23 jergilikti atqarýshy organdardyń qyzmetteri engizilgen.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir