Kóshi-qon salasynda kóp jumys bar

Elbasy N.Nazarbaev «100 naqty qadam» Ult josparynda kásibı memlekettik apparat qurýǵa aıryqsha toqtalyp, bul baǵyttaǵy mindetterdi júıelep bergen bolatyn.

Al Memleket basshysy Qasym-Jomart Toqaev «Syndarly qoǵamdyq dıalog-Qazaqstan turaqtylyǵy men órkendeýiniń negizi» atty Qazaqstan halqyna Joldaýynda «Memlekettik qyzmetshiler jumysynyń tıimdiligin arttyrý maqsatynda arnaıy daıyndyǵy bar jas kadrlardy tartý qajet. Sonymen birge 2020 jyldan bastap biz memlekettik qyzmetshilerdiń sanyn birtindep qysqartýǵa kirisip, únemdelgen qarajatty neǵurlym paıdaly qyzmetkerlerdi yntalandyrýǵa jumsaımyz.

2024 jylǵa qaraı memlekettik qyzmetshilerdiń jáne ulttyq kompanııalar qyzmetkerleriniń sanyn 25 paıyzǵa qysqartý qajet» dep atap kórsetip, naqty mindetter júktegen bolatyn.

Qazirgi tańda Jambyl oblysynda da memlekettik qyzmetterdiń sapasyn arttyrý, olardy ońtaılandyrý jáne avtomattandyrý máselesine aıryqsha basymdyq berilýde.

Jambyl oblysy polısııa departamentiniń Kóshi-qon qyzmetimen memlekettik kórsetiletin qyzmetter tizilimine sáıkes qazirgi tańda 17 memlekettik qyzmet kórsetiledi.

Anyqtama úshin: 2019 jyldyń 1 jarty jyldyǵynda kóshi-qon qyzmetimen barlyǵy 283824 qyzmet kórsetilgen. Onyń qaǵaz túrinde 52682 qyzmet kórsetilse, elektrondy túrde – 231142 qyzmet usynylǵan.

Kóshi-qon qyzmetinde memlekettik qyzmetter kórsetý salasynda jumystarynda ilgerileý bar ekendigin atap ótken jón.

-Departamentpen tıisti mekemelerge jiberilgen usynystar negizinde aǵymdaǵy jyldyń 26 sáýirinde Taraz qalasynan Halyqqa qyzmet kórsetýdiń kóshi-qon ortalyǵy ashylǵan bolatyn.

Degenmen, atqarylyp jatqan jumystardan bólek, sheshimin tabýǵa jatatyn birqatar máseleler bar. Atap aıtqanda Halyqqa qyzmet kórsetýdiń kóshi-qon qyzmeti ortalyǵy ashylǵanymen búgingi kúni memlekettik qyzmet kórsetýge qujattar qabyldaý jáne nátıjelerin berý kóshi-qon qyzmeti ortalyǵy arqyly tek "Qazaqstan Respýblıkasy azamatynyń pasportyna ata-analarymen birge shetelge shyqqan jaǵdaılarda on alty jasqa deıingi balalar týraly fotosýretteri japsyrylǵan jazba" memlekettik kórsetiletin qyzmeti ǵana kórsetilýde,-deıdi QR Memlekettik qyzmet isteri agenttiginiń Jambyl oblysy boıynsha departament basshysynyń orynbasary N.Erkebaev.