• USD 468.56

  • EUR 497.56

  • RUB 7.3

  • CNY 67.18

28 Naýryz, 13:28:41
Almaty
+35°

Elbasy N.Nazarbaev bes ınstıtýsıonaldy reformalardy júzege asyrýǵa arnalǵan «100 naqty qadam» Ult josparynda kásibı memlekettik apparat qurýǵa basymdyq bergen bolatyn. Qazirgi tańda bul baǵytta Jambyl oblysynda josparly jumystar júrgizilýde. Sol qatarda Baızaq aýdandyq halyqty jumyspen qamtý ortalyǵy da qyzmet sapasyna basa kóńil bólýde.

Barshaǵa belgili, 2013 jylǵy 15 sáýirde «Memlekettik kórsetiletin qyzmetter týraly» QR Zańy jáne 2013 jylǵy 18 qyrkúıekte Qazaqstan Respýblıkasy Úkimetiniń № 983 qaýlysymen memlekettik kórsetiletin qyzmetterdiń tizilimi bekitilgen.

Azamattardyń memlekettik qyzmet alý boıynsha quqyqtaryn kepildendirý úshin memleket óz tarapynan memlekettik organdar úshin óz quzyryna kiretin árbir memlekettik qyzmet boıynsha standart pen reglament qabyldaý jáne qyzmet kórsetý kezinde standarttyń talaptaryn basshylyqqa alý qajettiligin belgileıdi. Memlekettik kórsetiletin qyzmet standarty – memlekettik qyzmet kórsetýge qoıylatyn talaptardy belgileıtin, sondaı-aq memlekettik qyzmet kórsetý prosesiniń, nysanynyń sıpattamalaryn, mazmunyn jáne nátıjesin qamtıtyn normatıvtik quqyqtyq akt. Al memlekettik kórsetiletin qyzmet reglamenti – memlekettik kórsetiletin qyzmet standartyn saqtaý jónindegi talaptardy belgileıtin jáne kórsetiletin qyzmetti berýshiler qyzmetiniń tártibin, onyń ishinde memlekettik qyzmetter kórsetý prosesinde ózge de kórsetiletin qyzmetti berýshilermen, halyqqa qyzmet kórsetý ortalyqtarymen ózara is-qımyl, sondaı-aq aqparattyq júıelerdi paıdalaný tártibin aıqyndaıtyn normatıvtik quqyqtyq akt.

Baızaq aýdandyq halyqty jumyspen qamtý ortalyǵy osy talaptardy eskere otyryp, kelýshilerge 4 qyzmet túrin usynýda. Bıylǵy alǵashqy toqsanda

"Jumys izdep júrgen adamdardy tirkeý" qyzmeti «bir tereze» qaǵıdaty boıynsha 882 adamǵa usynylǵan. Aıta ketý kerek, 2018 jyly bul qyzmet túrleri qoldanysta bolmaǵan. Sonymen qatar «Jumyssyzdar retinde jumys izdep júrgen adamdardy tirkeýge» 693 adamǵa qyzmet usynylǵan.

Osylaısha ortalyq mamandary memlekettik qyzmetterdi ýaqtyly ári sapaly oryndaýǵa kúsh salýda.

Munyń bári de elimizdiń álemdegi damyǵan otyz memlekettiń qataryna qosylýǵa baǵyttalǵan qadam ekendigi sózsiz.

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir