• USD 468.56

  • EUR 497.56

  • RUB 7.3

  • CNY 67.18

29 Naýryz, 16:17:45
Almaty
+35°

Qazaqstan Respýblıkasynyń Tuńǵysh Prezıdenti óziniń «Áleýmettik-ekonomıkalyq jańǵyrtý - Qazaqstan damýynyń basty baǵyty» atty halyqqa Joldaýynda: «Halyqqa kórsetiletin memlekettik qyzmetterdiń sapasyn arttyrý – jemqorlyqqa qarsy árekettik jáne memlekettik organdardyń qyzmetine azamattardyń senimdiligin arttyrýdyń basty aspektisi» dep atap kórsetip, bul máselege erekshe nazar aýdarǵan bolatyn.

Memlekettik sektordyń bastalǵan reformalaryna negizdele otyryp, Qazaqstan memlekettik basqarýdyń sapaly jańa úlgisin ornatýda, ondaǵy memlekettik basqarýdy qalyptastyrý prosesiniń basty baǵyttarynyń biri memlekettik qyzmet kórsetý júıesin qalyptastyrý jáne damytý bolyp keledi.

Barshaǵa belgili, memlekettik kórsetiletin qyzmet – kórsetiletin qyzmetti alýshylardyń ótinishi boıynsha jeke tártippen júzege asyrylatyn jáne olardyń quqyqtaryn, bostandyqtary men zańdy múddelerin iske asyrýǵa, olarǵa tıisti materıaldyq nemese materıaldyq emes ıgilikter berýge baǵyttalǵan jekelegen memlekettik fýnksııalardy iske asyrý nysandarynyń biri.

Búginde Jambyl oblysy, Baızaq aýdanyndaǵy halyqty jumyspen qamtý ortalyǵynda memlekettik kórsetiletin qyzmet túrleri sapaly ári tıimdi júrgizilýde. Jalpy, 2017 jyly júgingen azamattarǵa memlekettik kórsetiletin qyzmetter sany úsheý bolǵan. Olardyń ishinde «Jumyssyz azamattardy tirkeý jáne esepke qoıý» boıynsha 1265 adamǵa qyzmet kórsetilse, «Adamdarǵa jumyspen qamtýǵa járdemdesýdiń belsendi nysandaryna qatysýǵa joldamalar berýge 3258 adamǵa qyzmet kórsetilgen, Al «Jumyssyz azamattarǵa anyqtama berýge» 19 adamǵa qyzmet usynyldy.

Ortalyqta 2018 jyly da júgingen azamattarǵa memlekettik kórsetiletin qyzmetter sany úsheý bolǵan. Olardyń ishinde «Jumyssyz azamattardy tirkeý jáne esepke qoıý» boıynsha 3842 adamǵa qyzmet kórsetildi, «Adamdarǵa jumyspen qamtýǵa járdemdesýdiń belsendi nysandaryna qatysýǵa joldamalar berýge 3241 adamǵa qyzmet kórsetilse, «Jumyssyz azamattarǵa anyqtama berýge» 21 adamǵa qyzmet usynyldy.

Bıylǵy jyly bul baǵyttaǵy jumystar 4 qyzmet túri boıynsha atqarylýda. Alǵashqy toqsannyń ózinde «bir tereze» qaǵıdasy boıynsha "Jumys izdep júrgen adamdardy tirkeý" qyzmeti 882 adamǵa kórsetilgen.

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir