• USD 389.52
  • EUR 429.21
  • RUB 6.07
  • CNY 54.94
07 Jeltoqsan, 18:54:42
Qazaqstan Ýkraınanyń saýda naryǵyna alańdaýly

22 Qazan, 2019 NEWS

Sot ne sebepti Shymkenttegi dárigerdi aqtap aldy?

Sot Shymkenttegi dárigerdi aqtaýǵa úkim shyǵarýǵa mindetti dep jazady Qamshy.kz aqparat agenttigi. Bul týraly joǵary sottyń baspasóz hatshysy Aıdos Sadýaqasov feısbýktegi paraqshasynda habarlady. 

"Qylmystyq sot tóreliginde mynadaı negizgi qaǵıda bar: taǵylǵan aıyp zańda kózdelgen tártip boıynsha dáleldenbese, adam kinásiz dep sanalady. Osy rette qylmystyq kináni dáleldeý aıyptaýshynyń mindetine jatady.

Osy is boıynsha sot tergeý organdarynan dárigerdiń kinásin rastaıtyn jetkilikti aıǵaqtar alǵan joq. Sondyqtan da sot aqtaý úkimin shyǵarýǵa mindetti. Zań boıynsha basqa sheshimniń bolýy múmkin emes. Úkim zańdy kúshine engen joq.

Jábirlenýshi tarap bul sheshimdi joǵary satylarda daýlaýǵa quqyly. Osyǵan baılanysty sot organdary atynan istiń mán-jaıyn ashyp kórsetetin qandaı da bir kommentarıı berýge bolmaıdy. Onyń ústine áńgime zorlaýǵa qatysty bolyp otyr. Bul sanattaǵy ister sottarda jabyq rejımde qaralady.

Nelikten eshkimge túsindirýdiń qajeti joq. О́ıtkeni bul is ondaǵy negizgi tulǵalarǵa ǵana emes, sonymen qatar olardyń otbasyna, jaqyndary men balalaryna da qatysty.

Osy oraıda BAQ ókilderin, qoǵam qaıratkerleri men áleýmettik jeli qoldanýshylaryn taraptardyń jeke ómiriniń qupııasyna kóleńke túsiretin qandaı da bir jarııalanym jasaýdan bas tartýǵa shaqyramyn" delingen jazbada. 

Eske salsaq, Shymkentte aýrýhanalardyń birinde nefrolog dáriger «óz áriptesin zorlady» degen kúdikke ilingen edi. Zorlyq kórgen kelinshek ál-Farabı aýdandyq ishki ister basqarmasyna aryz bergen. Alaıda kóp uzamaı qylmystyq quram men dálel joq dep is jabylǵan. Bul týraly «NeMolchı» qoǵamdyq qorynyń ókilderi habarlaǵan edi. Sol túrtki bolyp, ótken aıda is qaıta qaraýǵa alynyp, kúdikti qamaýǵa alynǵan bolatyn.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir