• USD 389.52
  • EUR 429.21
  • RUB 6.07
  • CNY 54.94
09 Jeltoqsan, 15:04:13
Qazaqstan Ýkraınanyń saýda naryǵyna alańdaýly

21 Qazan, 2019 Saıasat

Berik Ýálı: Prezıdenttiń quzyreti Konstıtýsııanyń 40-48 baptarynda anyq kórsetilgen

Qasym-Jomart Toqaev 2019 jyldyń 9 qazanynda "Qazaqstan Respýblıkasy Prezıdentiniń keıbir aktilerine ózgerister men tolyqtyrýlar engizý týraly" Jarlyqqa qol qoıdy. Atalmysh Jarlyq týraly Prezıdenttiń baspasóz hatshysy Berik Ýálı feızbýktegi paraqshasynda túsindirme berdi, – dep  habarlaıdy Qamshy.kz aqparat agenttigi

"Osy qujat BAQ betterinde túrli paıymdar men pikirler týǵyzdy. Meniń oıymsha, bul Prezıdenttiń «kezekti» Jarlyǵy. Bul qujatqa 2018 jylǵy shildede qabyldanǵan Qaýipsizdik keńesi týraly jańa zańnyń erejelerine sáıkes qol qoıyldy. Atalǵan alqaly organnyń ókilettiligin kúsheıtý zańǵa sáıkes qarastyrylady. Al ony Qazaqstannyń Tuńǵysh Prezıdenti – Elbasy N.Nazarbaev ómir boıy basqarady", – dep jazdy.

Memlekettiń laýazymdy tulǵalaryn taǵaıyndaý týraly kelisim tártibine kelsek, is júzinde Prezıdenttiń barlyq kadrlyq máseleler boıynsha óz betinshe sheshim qabyldaýyna kedergi keltirmeıdi. Buǵan dálel, Elbasynyń ózi "Habar" telearnasyna bergen suhbatynda: "Toqaev menimen aqyldasady. Biraq ózi sheshim qabyldaıdy" degen bolatyn.

Elbasy Konstıtýsııa boıynsha elimizdiń Joǵarǵy Bas qolbasshysy jáne ol Úkimetti jasaqtaıdy. Al memleket basshysy – oblystardyń jáne respýblıkalyq mańyzy bar qalalardyń ákimderin jergilikti máslıhattardyń kelisimderimen taǵaıyndaıtyn joǵary laýazymdy tulǵa. Naqtyraq aıtqanda, Prezıdenttiń quzyreti Qazaqstan Respýblıkasy Konstıtýsııasynyń 40-48 baptarynda anyq kórsetilgen.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir