21 Qazan, 2019 Áleýmet

"Orbulaq" qoıylymyna qansha qarjy ketti?

 Qazaq tarıhynda qatparly kezeńi aýyr ári qasiretti sátterge toly. El men jer úshin ǵasyrlap kúresken ata-babalarymyz shaıqastyń nebir túrin bastan ótkerdi. El jadynda saqtalyp, qazaq batyrlarynyń erligi ańyzǵa aınalǵan urystyń biri — Orbulaq shaıqasy.

Orbulaq

XVI – XVIII ǵasyrdyń tarıhyna qatysty naqty derekterdi tabý óte qıyn. Col sebepti de tarıhymyzda syry ashylmaǵan, beımálim jaıttar kóp. Shaıqastaǵy keıbir oqıǵalar shyndyqqa janaspaı, tarıhı turǵydan sheshimin tappaǵanymen, Orbulaq shaıqasynyń bolǵany anyq. Keı málimetterde bul soǵystyń bolǵanyn ańyz dep júrgenimen, shaıqas 1643 jyldyń jazynda qazaq handyǵy men jańa paıda bolǵan jońǵar handyǵynyń arasynda bolǵandyǵy týraly derekter bar. Qaqtyǵystyń basty sebebi, jer máselesi.

Shaıqastyń geografııalyq ornyna toqtalar bolsaq, oqıǵa Jońǵar Alataýynyń eteginde Orbulaq ózeniniń boıynda bolǵan. Iаǵnı qazirgi Almaty oblysy, Altynemel asýy. Búginde ol jerde osy shaıqastyń qurmetine ornatylǵan eskertkish bar.

Almaty oblysy ishki saıasat basqarmasynyń uıymdastyrýymen Taldyqorǵan qalasynda Orbulaq shaıqasynyń 376 jyldyǵyna arnalǵan shara ótti. Tarıhı oqıǵa negizinde teatrlandyrylǵan qoıylym  ekinshi márte   kórermenge kórsetildi.

Orbulaqta balalar

Almaty oblystyq ishki saıasat basqarmasynyń basshysy Rýstam Alpysbaevtyń aıtýynsha, memleket qarjysynan sharaǵa 98 mıllıon qarjy bólinip, onyń 61  mıllıon teńgesi qoıylymǵa jumsalǵan.

Almaty oblysynyń ákimi Amandyq Battalov:  

"Orbulaq shaıqasynyń tarıhı qoıylymy bizdiń oblysymyzda «Rýhanı jańǵyrý» baǵdarlamasy aıasynda ekinshi márte ótkizilip otyr. Bul – babalarymyzdyń erligi men batyrlyǵyn kóterýmen qatar, jastardy patrıottyq retinde tárbıleýge teńdessiz joba. Uly dala uly tulǵalardy dúnıege ákeldi.  Olardyń esimderi men erlikterin keıingi urpaq bilýi shart. О́tkendi bilmeı, bolashaqty baǵdarlaý múmkin emes. Sizder Borodıno shaıqasy týraly jaqsy bilesizder. Máskeýde jyl saıyn ony jańǵyrtý dástúrge aınalǵan. Bizde tarıhı qoıylymdy kórsetý arqyly danqty Orbulaq shaıqasyn urpaqtar jadynda ornyqtyrýdy qalaımyz. Bolashaqta derekti fılm túsirsek degen josparymyz bar", – dedi.

 Qoıylym kórýge kelgen qonaqtar ózara baılanysqan birneshe is-sharanyń birge kórinis tapqan sátterin tamashalap, ata-babalarymyzdyń turmysymen, salt-dástúrimen tanysýǵa, qazaqy mádenıettiń, órkenıettiń dámin tatýǵa múmkindik aldy. Is-sharada ár adam etno-mádenıettiń jan-jaqtylyǵyn sezine júrip, halqymyzdyń tarıhymen tereńirek tanysty.

 

 

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir