"Toqaev Nazarbaevsyz sheshim qabyldaı almaı ma?": Depýtattar birdeı jaýap berdi

Búgin Qazaqstan prezıdenti Qasym-Jomart Toqaev "Qazaqstan Respýblıkasy Prezıdentiniń keıbir aktilerine ózgerister men tolyqtyrýlar engizý týraly" jarlyqqa qol qoıǵany áleýmettik jelide qyzý talqyǵa tústi. Osy jarlyqqa qatysty búgin, qazanda májilis depýtattary Azattyq Radıosy pikirlerin aıtqan.  

"Toqaev Nazarbaevsyz sheshim qabyldaı almaı ma?" degen suraqqa májilis depýtattarynyń barlyǵy biraýyzdan kelisip alǵandaı "Kelisip pishken ton kelte bolmas" dep jaýap beripti.

– Elbasynyń ózi de suhbattarynda "bizdiń elde qos bılik atymen joq" dep bir emes birneshe ret aıtqan bolatyn. Biraq osy suraqqa "kelisip pishken ton kelte bolmas" degen sóz jaýap bolyp turǵan sekildi,  – Gennadıı Shıpovskıh. 

– Elbasy da laýazymdy adam. Onyń memleketke kóp eńbegi sińgen. Sondaı-aq ol memlekettegi barlyq kadrlardy jaqsy biledi. Eki laýazymdy adam kelisip durys sheshim qabyldaıdy dep oılaımyn, – deıdi Merýert Qazbekova. 

– Qalǵan quzyrly jumystardyń barlyǵyn azamattyq qoǵamdaǵy pikirmen sanasa otyryp, óziniń quzyretin tolyqqandy oryndap, al sanaýly asa mańyzdy máselelrdi aqyldasqanynyń esh ábestiki joq. Kelisip pishken ton kelte bolmas degen oıdamyn, – dep pikir bildirdi Baqytbek Smaǵul. 

– Bul jerdegi muqtajdyq emes. Kelisip pishken ton kelte bolmas dep oıaımyn. Bul jerde prezıdentimizdiń de sheshe alatyn kóregendigi jetedi.Elbasymyz eldi jasaǵan eldiń basy bolǵandyqtan kelisip, jeti retólshep bir ret keskenniń esh aıyby joq dep oılaımyn, – deıdi Baqytgúl Hamenova.