• USD 468.56

  • EUR 497.56

  • RUB 7.3

  • CNY 67.18

29 Naýryz, 01:37:43
+35°

Bas prokýratýranyń baspasóz qyzmeti habarlaýynsha, jol erejesin buzǵan sheteldik nómiri bar avtokólik júrgizýshileri búginnen bastap aıyppul tóleýge mindetti.

Sondaı-aq foto jáne vıdeofıksasııa júıesine tirkelgen zań buzýshylyqtar úshin aıyppul tóleý týraly nusqama tek qazaqstandyq nómiri bar júrgizýshilerge ǵana emes, kóligi shetelde tirkelgen azamattarǵa da keledi.

Bul jańashyldyq Nur-Sultan, Shymkent, Aqmola, Aqtóbe, Atyraý, Shyǵys Qazaqstan, Qaraǵandy, Qostanaı, Mańǵystaý jáne Pavlodar oblystarynda kúshine enbek.

"Buǵan deıin mundaı múmkindik bolmaıtyn. Sebebi, zań buzýshylyqtar týraly nusqama Qazaqstanda tirkelgen avtokóliktiń tehnıkalyq pasportyndaǵy jazbanyń negizinde jasalatyn", – dep túsindirdi bas prokýratýra.

Al sheteldik nómirler boıynsha júrgizýshiniń jeke basyn anyqtaý múmkin emes bolǵandyqtan, ákimshilik nusqama jasalynbaıtyn.

Bas prokýratýra sheteldik nómiri bar kólik júrgizýshileriniń jeke basyn anyqtaý úshin ákimshilik polısııa komıteti, ulttyq bank, memlekettik kredıttik bıýromen birlesip, úlken jumys júrgizgen.

 

 

 

 

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir