Shaǵyn nesıeniń sharapaty mol

Elimiz naryqtyq ekonomıkaǵa bet turǵaly shaǵyn jáne orta kásipkerlikti damytý máselesi kún tártibinen túsken emes. Elbasymyzdyń tapsyrmalary nátıjesinde bul baǵytta aýyz toltyryp aıtarlyqtaı aýqymdy jumystar atqaryldy.

Memleket basshysy Qasym-Jomart Toqaev «Syndarly-qoǵamdyq dıalog – Qazaqstannyń turaqtylyǵy men órkendeýiniń kepili» atty halyqqa arnaǵan Joldaýynda da «Shaǵyn, ásirese, mıkrobıznes elimizdiń áleýmettik-ekonomıkalyq jáne saıası ómirinde mańyzdy ról atqarady. Atap aıtqanda, eń aldymen aýyl turǵyndaryna turaqty jumys beredi, jumyssyzdyqty azaıtady. Sonymen qatar salyq bazasyn qurap, jergilikti bıýdjetti nyǵaıtady. Sondaı-aq jappaı kásipkerlikti damytý sanaǵa sińgen paternalıstik pıǵyl men masyldyqtan arylýǵa múmkindik beredi. Elimizde kásipkerlikti damytýdyń úlgi bolarlyq mysaldary jetkilikti. Biz shaǵyn kásipkerlikti búkil qoǵam bolyp qoldaýymyz kerek»,– dep atap kórsetip, naqty mindetterdi belgiledi.

Strategııalyq maqsattardyń aıasynda elimizde túrli baǵdarlamalar qabyldanyp, iske asyrylýda. Sonyń biri- «Eńbek» nátıjeli jumyspen qamtýdy jáne jappaı kásipkerlikti damytýdyń 2017-2021 jyldarǵa arnalǵan memlekettik baǵdarlamasy. Atalmysh baǵdarlamany iske asyrýǵa «Damý» kásipkerlikti damytý qorynyń Jambyl oblystyq fılıaly da aıryqsha atsalysýda.

Osy baǵdarlamany iske asqannan beri oblysta jalpy mıkronesıe somasy 2 mıllıard 120 mıllıon teńgeni quraıtyn 189 joba qarjylandyryldy. Onyń ishinde Qordyń kepildigimen 77 joba, ıaǵnı bul rette olardyń jalpy nesıe somasy 825,1 mıllıon teńgeni, al Qordyń kepildiginiń jalpy somasy 425,7 mıllıon teńgeni qurap otyr.

Aǵymdaǵy jyldyń 6 aıynda jalpy nesıe somasy 791,5 mıllıon teńgeni quraıtyn 67 joba qarjylandyrylǵan. Onyń 19 jobasy «Damý» Qorynyń kepildigi kómegimen júzege asqan.

Onyń ishinde 61 joba 2018 jylǵy qarajat esebinen. Bul rette jalpy nesıe somasy 715,1 mıllıon teńgeni qurap otyr. Onyń ishinde Taraz qalasynda jalpy nesıe somasy 655,2 mıllıon teńgege 55 joba, Qarataý qalasynda 37,4 mıllıon teńgege 4 joba jáne Janatas qalasynda 22,5 mıllıon teńgege 2 joba qarjylandyryldy.

Onyń ishinde 18 nesıe boıynsha Qordyń jalpy somasy 122,1 mln. teńgeni quraıtyn kepildigi berildi. 6 joba 2019 jylǵy qarajat esebinen. Bul rette jalpy nesıe somasy 76,4 mıllıon teńgeni qurap otyr. Olardyń barlyǵy Taraz qalasynda júzege asyrylýda. Onyń ishinde 1 ǵana jobaǵa Qordyń 5,8 mıllıon teńgeni quraıtyn kepildigi berildi.