• USD 468.56

  • EUR 497.56

  • RUB 7.3

  • CNY 67.18

29 Naýryz, 00:03:19
Almaty
+35°

Qazaqstan Respýblıkasynyń Prezıdenti Qasym-Jomart Toqaev «Syndarly-qoǵamdyq dıalog – Qazaqstannyń turaqtylyǵy men órkendeýiniń kepili» atty halyqqa arnaǵan Joldaýynda da «Shaǵyn, ásirese, mıkrobıznes elimizdiń áleýmettik-ekonomıkalyq jáne saıası ómirinde mańyzdy ról atqarady. Atap aıtqanda, eń aldymen aýyl turǵyndaryna turaqty jumys beredi, jumyssyzdyqty azaıtady. Sonymen qatar salyq bazasyn qurap, jergilikti bıýdjetti nyǵaıtady. Sondaı-aq jappaı kásipkerlikti damytý sanaǵa sińgen paternalıstik pıǵyl men masyldyqtan arylýǵa múmkindik beredi. Elimizde kásipkerlikti damytýdyń úlgi bolarlyq mysaldary jetkilikti. Biz shaǵyn kásipkerlikti búkil qoǵam bolyp qoldaýymyz kerek»,– dep atap kórsetken bolatyn.

Bul baǵytta Jambyl oblysynda da júıeli jumystar atqarylýda. Mysaly, «Damý» kásipkerlikti damytý qorynyń Jambyl oblystyq fılıaly tarapynan óńdeýshi ónerkásip salasynda jumyspen qamtylǵan shaǵyn jáne orta kásipkerlik sýbektilerin qoldaý baǵdarlamasy óz jemisin berýde.

Bul baǵdarlama 2014 jyldan bastap júzege asyrylýda. Osy Baǵdarlamaǵa Qazaqstan Respýblıkasynyń Ulttyq qorynan barlyǵy 200 mıllıard teńge kóleminde qarajat bólingen bolatyn. Atalǵan qarajatty Damý Qory óńdeý ónerkásibi salasynda jumys isteıtin kásipkerlerge jeńildik sharttarymen kredıt berý úshin ekinshi deńgeıdegi bankterge ornalastyrǵan bolatyn. Bul baǵdarlama qarajat esebinen 19 mıllıard teńgesi Jambyl oblysynyń kásipkerlerin qarjylandyrýǵa jumsaldy, nátıjesinde 56 kásipker qoldaýǵa ıe boldy. Onyń ishinde 12 kásipker aǵymdaǵy jylǵy alty aıdyń ishinde jalpy nesıe somasy 587,2 mıllıon teńge kóleminde qarjylandyryldy.

Sonymen qatar «Bereke» shaǵyn jáne orta kásipkerlikti óńirlik qarjylandyrý baǵdarlamasynyń da tıgizip jatqan kómegi kóp.

Joǵaryda atalǵan memlekettik baǵdarlamalardyń bolýyna qaramastan, bizdiń oblysta jeńildetilgen qarjylandyrý kólemin ulǵaıtý maqsatynda, Jambyl oblysy ákimdigi men Damý Qory birlesip tepe-teńdik negizde qarajat bólýdi kózdeıtin «Bereke» óńirlik baǵdarlamasy ázirlenip, ony 2016 jyldan beri júzege asyrýda. Máselen, 2016 jyly 500 mıllıon teńgege alǵashqy qarajat pýly quryldy. Onyń 250,0 mıllıon teńgesi Jambyl oblysynyń ákimdiginen, al qalǵan 250,0 mıllıon teńgesi «Damý» Qorynan bólindi. Kórsetilgen qarajat sol jyly «Qazkommersbank» jáne «Qazaqstan Halyq Banki» aksıonerlik qoǵamdarynda ornalastyryldy. Nátıjesinde «Bereke-1» baǵdarlamasy sheńberinde 14 kásipker jeńildetilgen nesıege qol jetkizdi.

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir