Jyl sońyna deıin barlyq medısınalyq mekemeler ınternetke qosylady

Osydan eki jyl buryn Qazaqstan Respýblıkasy Tuńǵysh Prezıdenti-Elbasy Nursultan Nazarbaevtyń qazaqstandyqtarǵa arnalǵan Joldaýynda qoǵam ómiriniń barlyq salasynda usynylatyn qyzmet túrlerin ońtaılandyrý maqsatynda «Sıfrlyq Qazaqstan» baǵdarlamasyn engizý jaıy aıtylǵany belgili. Sodan bergi aralyqta shyn máninde birqatar salalar sıfrlandyrýdyń sharapatyn tolyq sezinip úlgerdi. Ásirese, densaýlyq saqtaý salasyn elektrondy formatqa kóshirý el turǵyndaryna usynylatyn medısınalyq qyzmet sapasyn arttyrýǵa jol ashty, dep jazady Qamshy.kz aqparat agenttigi. 

Densaýlyq saqtaý salasyn damytý men medısınalyq emdeý jáne aldyn alý mekemeleriniń qyzmet kórsetý sapasyn arttyrýda salany sıfrlandyrýdyń paıdasyn medısına qyzmetkerleri de joqqa shyǵarmaıdy. О́z kezeginde sıfrlandyrý qyzmet sapasyn arttyryp qana qoımaı, dárigerlerdi qaǵazbastylyqtan aryltýǵa kómek berýde.

Qazir oblys boıynsha 4952 medısınalyq qyzmetkerdiń jumys orny 100 paıyz kompıýtermen qamtamasyz etilgen. Sondaı-aq óńir turǵyndaryna medısınalyq qyzmet usynatyn 391 mekemeniń 383-i Internet jelisine qosylǵan. Bul jambyldyq densaýlyq saqtaý mekemeleriniń 98 paıyzynyń Internet jelisine qosylǵanyn aıǵaqtaıdy. Internetke qol jetimdilik boıynsha Taraz qalasy men aýdan ortalyqtarynda eshqandaı másele joq. Al ázirge ǵalamtor múmkindigi qarastyrylmaǵan 9 mekeme jyl sońyna deıin búkil ǵalamdyq jelige qosylatyn bolady.

–О́ńirdegi medısınalyq uıymdardyń barlyǵy medısınalyq aqparattyq júıecine qosylǵan. Aqparattyq júıege 1 068 261 elektrondyq densaýlyq pasporty engizilgen. Bul «Halyqty tirkeý regıstri» boıynsha aqparattyq júıesinde tirkelgen 1 121 133 halyq sanynyń 94,6 paıyzyn quraıdy. Búgingi tańda 233 bastapqy medısınalyq qujattama nysanynyń 203-i tolyǵymen sandyq formatta medısınalyq aqparattyq júıelerine engizilgen. «Damu Med» medısınalyq aqparattyq júıecindegi mobıldik qosymshaǵa 45 714 adam tirkelgen. Nátıjesinde oblys turǵyndarynyń emhanalarǵa kelý kórsetkishi 16 paıyzǵa tómendegen. Al mobıldi qosymshalar arqyly aldyn-ala dárigerlerdiń qabyldaýyna jazylý nátıjesinde kezek kútý kórsetkishi de 30 paıyzǵa kemigen, –deıdi oblys ákimdiginiń densaýlyq saqtaý basqarmasynyń basshysy Marat Jumanqulov.