• USD 468.56

  • EUR 497.56

  • RUB 7.3

  • CNY 67.18

28 Naýryz, 18:00:31
Almaty
+35°

Jambyl oblysynda oqýyn jańadan bitirip kelgen densaýlyq saqtaý salasy mamandaryna kóterme aqy taǵaıyndaý, ýaqytsha qyzmettik pátermen qamtý, baspanaly bolýyna laıyqty jaǵdaı jasalyp keledi, dep jazady Qamshy.kz aqparat agenttigi. 

Sońǵy jyldary elimizdegi medısına salasynda kadr tapshylyǵy máselesi baıqalady. О́z kezeginde bul máseleniń medısınalyq qyzmet sapasyna tikeleı áser etetin faktor ekenin ańǵarý qıyn emes. Ásirese oblys ortalyqtarynan shalǵaı eldi mekenderdegi bilikti kadr jetispeýshiligi sapaly medısınalyq qyzmetti kórsetýge keri áser etedi. Sondyqtan da aýyldyq jerlerge arnaıy memlekettik baǵdarlamalardyń sharapatymen eńbek etýge kelgen dárigerler men medbıkelerdiń turaqtap qalýy úshin barlyq múmkindikterdi qarastyrǵan abzal.

Búginde «Enbek.kz» elektrondy portalynda jambyldyq medısınalyq uıymdarǵa 322 maman qajettigin anyqtalǵan.

–Bul qajettilikti joıý maqsatynda Densaýlyq saqtaý mınıstrliginiń janyndaǵy komıssııasynyń qorytyndysymen óńirge 185 jas maman bólindi. Atalǵan bólinistegi 79 jas maman qalada jumys jasaýda. Al qalǵan 106 jas maman aýyldyq eldi mekenderge joldama aldy. Munan bólek jyl basynan beri oblysqa 126 jas maman keldi. Mundaǵy 60 jas maman oblys medısına salasyna qyzmet etýge óz erkimen kelgeni anyqtalyp otyr. Aǵymdaǵy jyldyń 9 aıynda óńirge kelgen mamandardyń 40-y qaladan jumys tapsa, qalǵan 86 jas maman aýyldyq eldi-mekenderdegi densaýlyq saqtaý nysandarynda jumysqa ornalasty,–deıdi oblys ákimdiginiń densaýlyq saqtaý basqarmasynyń basshysy Marat Jumanqulov.

Basqarma basshysynyń málimdeýinshe óńirge kelgen jas mamandardy turaqtandyrý maqsatynda jergilikti bılikpen tıisti áleýmettik qoldaý sharalary qarastyrylǵan. Máselen aǵymdaǵy jyl basynan beri oblysqa kelgen 126 jas mamannyń 7-eýine mamanǵa 100 aılyq eseptik kórsetkish kóleminde, al 46 mamanǵa 800 myń teńge kóleminde kóterme járdemaqy berilgen. Sondaı-aq Jýaly aýdanyna barǵan 4 mamanǵa jataqhanadan oryn berilse, Jambyl aýdanynda 2 jas maman, Moıynqum aýdanynda 1 jas mamanǵa qyzmettik páter berilgen. Aıta keterlik bir jaıt óńirde áleýmettik kómek alǵan jas mamandar úlesin arttyrý boıynsha oblys ákimdiginiń densaýlyq saqtaý basqarmasy men aýdan ákimi arasynda arnaıy ındıkator da bekitilgen.

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir