• USD 389.52
  • EUR 429.21
  • RUB 6.07
  • CNY 54.94
14 Jeltoqsan, 09:53:55
Qazaqstan Ýkraınanyń saýda naryǵyna alańdaýly

20 Qazan, 2019 Aımaqtar

Densaýlyq saqshylarynyń eńbek aqysy men kásibı biliktiligi artty

Medısınalyq qyzmet pen jalpy densaýlyq saqtaý salasynyń áleýetin arttyrýda eń áýeli mamandardyń biliktiligine ıek artylatyndyǵy aıtpasa da túsinikti jaıt. Al salaǵa bilikti mamandardy tartý úshin olardyń áleýmettik jaǵdaıyn jasaý, eńbek jalaqysyn joǵary etip tóleý qajet.Munan bólek densaýlyq saqshylarynyń kásibı biliktiligin jetildirip otyrý da zaman talaby. Bul oraıda, jambyldyq medısına salasy qyzmetkerleri de laıyqty jalaqy tólenip, quzirettiligin arttyrý máselesi ońtaıly sheshilip keledi, dep jazady Qamshy.kz aqparat agenttigi. 

Elbasynyń tapsyrmasyna saı aǵymdaǵy jyldyń shilde aıynan medısına qyzmetkerleriniń jalaqysy 30 paıyzǵa ósti. Nátıjesinde dárigerlerdiń ortasha jalaqysy 124 myń 523teńgeden 162 myń 950 teńgege deıin kóterildi. Al orta býyn qyzmetkerleriniń jalaqylary 90 myń 458 teńgeden 118 myń 105 teńgege deıin artty. Bul sharalar óz kezeginde medısınalyq qyzmetkerlerge úlken serpilis berip, olardyń óz qyzmetine degen jaýapkershiligin eseleı tústi.

– О́ńirde medısınalyq qyzmetkerlerge ońtaılandyrý sharasy aıasynda únemdelgen qarjy esebinen kótermeaqy tóleý de josparlanǵan. Aǵymdaǵy jyly densaýlyq saqtaý ınfraqurylymyn damytýdyń birińǵaı perspektıvalyq jospary bekitildi. Atalǵan josparǵa sáıkes oblystaǵy 9 stasıonarlyq medısınalyq uıymnan 3 klaster qurý josparlanyp otyr. Nátıjesinde kópsalaly oblystyq aýrýhana, kópsalaly qalalyq aýrýhana jáne kóp salaly balalar aýrýhanasy qurylady. Bul klasterlerdi qurý arqyly eń áýeli kadr tapshylyǵy máselesi sheshilip, joǵary mamandandyrylǵan medısınalyq kómekke qol jetimdilik artady. Sondaı-aq turǵyndar tarapynan jıi synǵa alynatyn naýqastardy aýrýhanadan aýrýhanaǵa tasymaldaý máselesine de shekteý qoıylmaq. Medısınalyq uıymdardy ońtaılandyrýdyń arqasynda tósek orynnyń sany, shtattyq birlikter qysqaryp, bul maqsatqa jumsalýy kerek 269 mıllıon 600 myń teńge qarjy únemdeledi. Sáıkesinshe bul qarajatty medısınalyq qyzmetkerlerdiń eńbek jalaqysyna ústemaqy retinde qosylyp, olardy yntalandyrýǵa jumsalmaq, –deıdi oblys ákimdiginiń densaýlyq saqtaý basqarmasynyń basshysy Marat Jumanqulov.

Basqarma basshysynyń málimdeýinshe óńirge asa qajetti mamandarǵa júrgizilgen taldaý nátıjesinde akýsher-gınekolog, anestezıolog-reanımatolog, neonatolog syndy asa qajetti mamandyqtary aıqyndalǵan.

–Dál osy mamandarǵa qajettilikti joıý maqsatynda oblys ákiminiń tapsyrmasyna saı jergilikti bıýdjetten 8 mıllıon 700 myń teńge bólinip, 12 mamandy rezıdentýraǵa oqytý úshin Qazaq úzdiksiz bilim berý ýnıverstetimen kelisim-shart jasalyndy,–deıdi Marat Seıitbekuly.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir