• USD 389.52
  • EUR 429.21
  • RUB 6.07
  • CNY 54.94
20 Qańtar, 08:09:10
Qazaqstan Ýkraınanyń saýda naryǵyna alańdaýly

20 Qazan, 2019 Aımaqtar

Qaralmadaǵy qurylys qarqyndy

Memleket basshysy Qasym-Jomart Toqaev «Syndarly qoǵamdyq dıalog-Qazaqstannyń turaqtylyǵy men órkendeýiniń negizi» atty Qazaqstan halqyna Joldaýynda týrızm salasyna zor kóńil bólgeni belgili. Bul turǵyda Prezıdent: «Týrızmdi, ásirese ekotýrızm men etnotýrızmdi damytýǵa ekonomıkanyń mańyzdy salasy retinde basa mán berý qajet.

Altyn Ordanyń 750 jyldyǵyn tól tarıhymyzǵa, mádenıetimiz ben tabıǵatymyzǵa týrıster nazaryn aýdarý turǵysynan atap ótken jón.

Týrızmdi damytý úshin qajetti ınfraqurylym júrgizýdi, sonyń ishinde jol salyp, bilikti mamandar daıyndaýdy qamtamasyz etý qajet» dep atap kórsetti.

Qazirgi tańda Jambyl oblysynda týrızmdi damytý baǵytynda tyń bastamalar kóterilip, jarqyn jobalar júzege asýda. Sonyń biri-Jýaly aýdanyndaǵy «Qaralma» taý-shańǵy bazasynyń qurylysy.

Shyny kerek, aımaqta osyǵan deıin qysqy demalalys oryndary joqtyń qasy edi. Degenmen oblys basshylyǵynyń bastamasymen Jýaly aýdanynda osy olqylyqtyń ornyn toltyrý úshin «Qaralma» taý -shańǵy bazasy boı kóterýde. Oblysta esh balamasy joq keshen óńir turǵyndarynyń qýanyshymen qatar týrısterdi de tartýdyń tıimdi joly bolmaq.

Búginde taý-shańǵy bazasy qurylys jumystarynyń basym kópshiligi aıaqtalǵan. Munda qonaq úı-kotedjderi, týrısterge qyzmet kórsetý servıstik kesheniniń qurylysy salynýda. Sondaı-aq jeti shaqyrymdyq jol salynyp, ınfraqurylym tartý jumystary qyzý júrgizilýde. Kerek qural-jabdyqtardyń deni jetkizilgen. Qurylys basyndaǵy jumysshylar aýa-raıynyń qolaısyzdyǵyna qaramastan, kún-tún demeı bilek sybana eńbektenýde.

Aıta ketý kerek, munda qonaqtar jyl on eki aı boıy demalýǵa múmkindik alady. Jaz mezgilderinde saýmalmen, qymyzben emdeıtin, atpen serýen quratyn oryndar ashylady dep kútilýde.

Jalpy, nysan memlekettik-jekemenshik áriptestik negizinde salynýda. Jobanyń jalpy quny 4 mıllıard 867 mıllıon teńge. Týrıstik nysan «Batys Eýropa-Batys Qytaı» kúrejolynyń boıynan 7 shaqyrym qashyqtyqta, Alataý taýynyń baýraıynda teńiz deńgeıinen 1 600 metr bıiktikte boı kóterýde. Sonymen qatar Alataý taýynyń ushar basynan keshenge deıin 2 500 metr syrǵanaý jolaǵy túsedi eken. Aspaly joldyń qurylysy da júzege asyrylýda. Aspaly jol qurylysyna qajetti qondyrǵylar Avstrııa elinen jetkizilgen.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir