Sportpen shuǵyldanýshylar qatary jyldan jylǵa kóbeıýde

Qazaqstan Respýblıkasynyń Tuńǵysh Prezıdenti- Elbasy N.Á.Nazarbaevtyń 2020 jylǵa deıin Qazaqstan halqynyń kem degende 30 paıyzyn buqaralyq sportqa tartý mindeti Jambyl oblysyndaǵy Moıynqum aýdanynda óz deńgeıinde júzege asýda. Mysaly, 2011jyly jergilikti jerde sportpen shuǵyldanýshylar sany 5950 adam nemese 18,5 paıyz bolǵan.

Al oblys ákimdiginiń dene shynyqtyrý jáne sport basqarmasynyń basshysy men aýdan ákiminiń arasyndaǵy kelisilgen túıindi nysanaly ındıkator boıynsha 2019 jyldyń 1 jarty jyldyǵynda josparlanǵan aýdandaǵy dene shynyqtyrý jáne sportpen júıeli túrde shuǵyldanýshylardyń qatary 9393 adamdy nemese 29 paıyzdy qurady. Bul kórsetkish ótken jylmen salystyrǵanda 128 adamǵa ósip otyr.

Aýdan ákimdiginiń dene shynyqtyrý jáne sport bóliminiń №19 balalar men jasóspirimder sport mektebi 2000 jyly ashylǵan. Atalǵan sport mektebinde búgingi tańda sporttyń 7 túrinen, atap aıtqanda qazaq kúresi, erkin kúres, boks, voleıbol, basketbol, fýtbol jáne dzıýdo jáne bólimderi jumys atqarýda. Barlyǵy 24 jattyqtyrýshy, 644 sportshy atap aıtsaq, qazaq kúresinde 10 jattyqtyrýshy 262 sportshy, erkin kúreste 1 jattyqtyrýshy 46 sportshy, boks bóliminde 3 jattyqtyrýshy 92 sportshy, voleıbol bóliminde 4 jattyqtyrýshy 86 sportshy, basketbol bóliminde 2 jattyqtyrýshy 35 sportshy, fýtbol bóliminde 3 jattyqtyrýshy 94 sportshy, dzıýdo bóliminde 1 jattyqtyrýshy 29 sportshymen júıeli túrde shuǵyldanady.

Moıynqum aýdany ótken ǵasyrdyń 80 jyldary eki márte Eńbek eri ataǵyn ıelengen, dańqty shopan, «Shopandardyń marshaly» atańǵan jerlesimiz Jazylbek Qýanshybaev atyndaǵy qazaq kúresinen respýblıkalyq týrnırdiń, halyqaralyq dárejege deıin kóterilgen óńir. Atalǵan respýblıkalyq týrnırde Áshimhan Satybaldıev, Ybyraı Moldabaev, Rysmanap Shańlaqbaev syndy palýandar ár kezderi jeńimpaz atanǵan.

Sol aǵalardyń izbasarlary, aýdannyń sportshylary Respýblıkalyq, oblystyq jáne aýdanaralyq jarystarǵa qatysyp, joǵary nátıjeler kórsetýde. Atap aıtsaq, sambo kúresinen jastar arasynda Monǵolııada ótken Azııa chempıonatynda Ońalbaı Jumadýlla chempıon atandy jáne Grýzııada ótken Álem chempıonatynda ekinshi oryn aldy. Oblys, Respýblıka kóleminde Qazaq kúresinen Názimhan Naýryzbaı, Orazaly Jandáýlet, Alpysbaı Erkin, Ońalbaı Jumadýlla, Tynysh Syrym, Jumadil Eldııar, Jasulan Jaras, Tilepbergen Shynǵys, Ázimhan Erhan, Ormanqul О́risbaı, erkin kúresten Batyrhan Nurtaı, Shoqparbek Núrken, Shákirbek Sanjar, Sabyrhan Meıirhan, Dinıslamuly Nurıslam, bokstan Qazaqtan respýblıkaynyń chempıonatynda moıynqumdyq Meıram Bolashaq 1 oryn alyp, altynnan alqa taqty. Sondaı-aq eresekter arasynda Adilbekov Bekmuhan qazaq kúresinen Azııanyń eki dúrkin chempıony, Dúısenov Rınat qazaq kúresinen Azııanyń qola júldegeri, Erboluly Abaı qazaq kúresinen «Qazaqstan Barysy»

Respýblıkalyq týrnırine qatysýshy, Isaq Nurzat, Otarbaev Samat, Yntyqbaev Serikbolsyn, Rahmanqulov Tólebaı, Zaryqbaı Sultan, Seıtbekuly Saıan, Tilepbergen Shynǵys qazaq kúresinen, Shaltaeva Farıza bokstan Qazaqstan Respýblıkasy chempıonatynyń júldegerleri atandy.