• USD 389.52
  • EUR 429.21
  • RUB 6.07
  • CNY 54.94
08 Jeltoqsan, 02:39:45
Qazaqstan Ýkraınanyń saýda naryǵyna alańdaýly

20 Qazan, 2019 Aımaqtar

Jańatasta jańa jumys oryndary ashylýda

«EvroHım» kompanııasynyń Jambyl oblysyna ınvestısııa quıýymen aımaqtaǵy hımııa ónerkásibi qarqyn ala tústi. Elbasy usynǵan ındýstrııalandyrý baǵytynyń jemisi osynda. Búginde «EvroHım» mıneraldyq-hımııalyq kompanııasynyń jumysy júıelenip, zaýyt óndiristik qýattylyǵyn arttyrý úshin jańa jobalardy qolǵa ala bastaǵan.

Kompanııa tarapynan ken oryndaryn ıgerý boıynsha ınvestısııalyq jobanyń birinshi kezeńi aıaqtalǵan. Nátıjesinde fosfat kenin óndirý jáne alǵashqy óńdeýge arnalǵan jobalyq qýattylyqqa qol jetkizildi. Atap aıtqanda, 2017 jyldyń naýryzynda 1 mıllıon tonna fosforıt keni óndirilse, ótken jyldyń aqpan aıynda mıllıon tonnadan asa fosfat alynatyn un óndirilip, tutynýshylarǵa jóneltilgen. Endigi jerde ınvestısııalyq jobanyń ekinshi kezeńiniń egjeı-tegjeıli jobalaý jumystary júrgizilip jatyr eken. Naqtyraq aıtqanda, bul kezeńniń 70 paıyzdan astam jumystary aıaqtalyp, hımııa kesheni qurylysynyń alańyn daıyndaý úshin qazba jumystary júrgizilýde. Jobany iske qosý 2021 jylǵa josparlanyp otyr.

– Atalmysh joba barysynda 500 jumys orny quryldy. Kompanııanyń qazaqstandyq kásiporyndarynda jumys isteıtin qyzmetkerlerdiń 85 paıyzy Jambyl oblysynyń turǵyndary. Hımııalyq keshenniń qurylysy aıaqtalǵannan keıin, óndiriste myńǵa jýyq adam jumys isteıtin bolady. Osyǵan baılanysty salalarda 2 myńnan astam adamǵa turaqty jumys kózderi paıda bolmaq. Osyndaı jumystar tutastaı alǵanda óńirdiń damýyna yqpal etip, Qazaqstannyń hımııalyq klasterin jaqsartýǵa eleýli úles qosatynyna senimdimiz, – deıdi kompanııa basshysynyń ishki jáne syrtqy baılanys jónindegi keńesshisi E.Kúzen.

Jalpy, kompanııa basshysynyń ishki jáne syrtqy baılanys jónindegi keńesshisi Elmıra Kúzenniń aıtýynsha «EýroHım» óndiristi jetildirýge den qoıýda. Máselen, ótken aptada el astanasy Nur-Sultan qalasynda QR Úkimeti men «EvroHım» kompanııasynyń basshylyǵynyń kezdesýi ótip, onda kompanııanyń bas dırektory Igor Nechaev jahandyq ınvestısııalar boıynsha josparlarymen bólisipti.

Sondaı-aq ol aýdıtorııaǵa «EýroHımniń» oblysymyzdaǵy Qarataý fosfat basseınin damytý jáne mıneraldy tyńaıtqyshtardy shyǵaratyn zaýyt salý boıynsha strategııalyq ınvestısııalyq jobany iske asyrý týraly baıandapty.Búginde bul baǵytta júıeli jumystar jalǵasýda.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir