• USD 468.56

  • EUR 497.56

  • RUB 7.3

  • CNY 67.18

28 Naýryz, 11:56:27
+35°

Elbasy N.Nazarbaev azattyqtyń alǵashqy jyldarynan elimizde qolaıly ınvestısııalyq klımat qalyptastyrýǵa kúsh salyp keledi. Mundaǵy basty maqsat-paıdaly qazbalardy tıimdi ıeger otyryp, jańa jumys oryndarynyń ashylýy yqpal etý, sol arqyly áleýmettiń áleýetin kóterý. Memleket basshysy Q.Toqaev ta óziniń Qazaqstan halqyna alǵashqy Joldaýynda osy máselege aıryqsha toqtalyp, sheteldik ınvestorlarǵa qolaıly jaǵdaılar jasalatynyn jetkizdi.

Mine, osyndaı múmkindiktiń nátıjesinde reseılik «EvroHım» kompanııasy Jambyl oblysyna ınvestısııa quıyp, jańa jobany júzege asyrýda. Kompanııa tarapynan ken oryndaryn ıgerý boıynsha ınvestısııalyq jobanyń birinshi kezeńi aıaqtalǵan. Nátıjesinde fosfat kenin óndirý jáne alǵashqy óńdeýge arnalǵan jobalyq qýattylyqqa qol jetkizildi. Atap aıtqanda, 2017 jyldyń naýryzynda 1 mıllıon tonna fosforıt keni óndirilse, ótken jyldyń aqpan aıynda mıllıon tonnadan asa fosfat alynatyn un óndirilip, tutynýshylarǵa jóneltilgen. Endigi jerde ınvestısııalyq jobanyń ekinshi kezeńiniń egjeı-tegjeıli jobalaý jumystary júrgizilip jatyr eken.

Bul týraly taıaýda el astanasy Nur-Sultan qalasynda QR Úkimeti men «EvroHım» kompanııasynyń basshylyǵynyń kezdesýinde kompanııanyń bas dırektory Igor Nechaev áńgimelep bergen bolatyn. Igor Nechaev jahandyq ınvestısııalar boıynsha josparlarymen bólisip, «EýroHımniń» oblysymyzdaǵy Qarataý fosfat basseınin damytý jáne mıneraldy tyńaıtqyshtardy shyǵaratyn zaýyt salý boıynsha strategııalyq ınvestısııalyq jobany iske asyrý týraly baıandaǵan-dy.

–Biz Qazaqstan Respýblıkasynyń Úkimeti men tıisti mınıstrliktermen tyǵyz qarym-qatynastamyz ári olardyń qoldaýyn árdaıym sezinip kelemiz. Ári mundaı qarym-qatynasty joǵary baǵalaımyz. Qazirdiń ózinde birqatar jobalar iske qosylyp, hımııa ónerkásibinde barynsha qoljetimdi tehnologııalardy qoldana otyryp, biregeı, ınnovasııalyq óndiristi qurýǵa kirisken óndiristik nysandardy damytamyz. Aǵymdaǵy jyldyń 28 naýryzynda úkimetaralyq májiliste bizdiń jobanyń jańa kezeńin jan-jaqty qoldaý týraly kelisimge qol jetkizildi. Jáne osynyń nátıjesinde jazdyń basynda Jambyl oblysynda 1 mıllıon tonna tyńaıtqyshtar shyǵaratyn hımııa zaýytynyń qurylysyn qoldaý týraly birqatar mańyzdy kelisimderge qol qoıý josparlanyp otyr. Onyń qurylysy bıyl bastalady, – dedi I.Nechaev Úkimet basshysyna kezdesý barysynda.

О́z kezeginde QR Premer-Mınıstri Asqar Mamın kompanııanyń jumysyn joǵary baǵalap, qolǵa alyp jatqan jobalaryna sáttilik tilegen.

Qazirgi tańda kompanııa ońtústik aımaqtyń áleýmettik damýyna, sondaı-aq Jańatas qalasynyń qurylysyna úlken úles qosyp keledi. Sonymen qatar shahardaǵy barlyq sporttyq jarystar men is-sharalarǵa belsene qatysyp, demeýshilik jasap otyrady. Máselen, «Jańatas jýnıors» fýtbol komandasyna árdaıym qoldaý bildirse, Sh.Ýálıhanov atyndaǵy mekteptiń hımııa kabınetin sońǵy úlgidegi zamanaýı tehnıkalarmen jabdyqtap beripti. Bul jobanyń demeýshilik kólemi 16 mıllıon teńgeni qurady. Budan ózge shaǵyn shahardyń ınfraqurylymyn jetildirý, turǵyn úı jaǵdaıyn jaqsartý, jas mamandardy jumysqa tartý syndy máselelerdiń ońdy sheshilýine qol ushyn sozyp keledi. Endigi jerde kompanııanyń bolashaq josparlarynyń biri qaladan «Jastar» demalys jáne mádenıet úıi salý. Bul óz kezeginde jastardyń bos ýaqytyn tıimdi ótkizýlerine qolaıly oryn bolmaq.

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir