• USD 468.56

  • EUR 497.56

  • RUB 7.3

  • CNY 67.18

28 Naýryz, 16:48:00
Almaty
+35°

Parlament májilisindegi úkimet saǵatynda bilim salasyn depýtat Bekbolat Tileýhan synady. Ol eger problemalar sheshiletin bolsa, depýtattyq mandatyn tastap, mınıstrge kómekshi bolýǵa daıyn ekenin aıtty.

«Júıe qurdymǵa ketip bara jatyr. Qaı jaǵynan kelsek te syn kótermeıdi. Muǵalim daıyndaý júıesin, oqýlyq shyǵarý júıesin, orta bilim júıesin qaıta qaraý kerek. Myna túrimizben shegine bersek, urpaq mıaqy bolady...Ashatjan, senen jasym az emes, tájirıbem de az emes. Ataqtarym da kóp aý deımin, tap osy másele sheshiletin bolsa, depýtattyq mandatymdy tastap, seniń kabınetińe baryp kómekshi bolýǵa, hatshy bolýǵa daıynmyn», - dedi depýtat.

Odan ózge mektep baǵdarlamasynyń qıyndyǵy men oqýlyq sapasynyń tómendigi keleshek býyn úshin azap deıdi.

«Meniń oqýlyqtardy shyǵarý júıesin shirik júıe dep batyl aıtýyma negiz bar. Bul – betonnyń ústine tastaǵan dándi myń jerden sýarsańyz da óspeıtini sekildi. Biz urpaqty azaptap jatyrmyz. Bir esepti bala túgili ata-anasy shyǵara almaıtyn bul baryp turǵan qaskóılik júıe», – dep óz oıyn bildirip, 2007 jyldan beri mıllıardtaǵan aqshaǵa alynǵan pándik laboratorııalardyń jumys istemeı, paıdasyz bolyp turǵanyn da synady.

 

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir