• USD 389.52
  • EUR 429.21
  • RUB 6.07
  • CNY 54.94
14 Jeltoqsan, 09:34:24
Qazaqstan Ýkraınanyń saýda naryǵyna alańdaýly

20 Qazan, 2019 Aımaqtar

Seriktestik serpindi damýda

Kúni keshe 20 jyldyq mereıtoıyn atap ótken «Qazfosfat» jaýapkershiligi shekteýli seriktestigi elimizdegi hımııa ónerkásibiniń alyby sanalady. Irgeli óndiris oshaǵy Údemeli ındýstrıaldy-ınnovasııalyq damytý baǵdarlamasy aıasynda óz jumysyn nyqtaı túsken.

– Búginde «Qazfosfat» JShS-niń balansynda birqatar áleýmettik nysandar bar. Olardy damytý jáne jetildirý úshin tek 2018 jyldyń ózinde 453,8 mıllıon teńge jumsaldy. Sondaı-aq 2011 jyldan bastap 52 turǵyn úı ýchaskesinde jas qyzmetkerlerge arnalǵan jataqhana paıdalanýǵa berildi. Jyl saıyn 2000-ǵa jýyq jumysshy men olardyń otbasylary arnaıy dıspanserde demalady. Al jazǵy maýsymda 1000 balaǵa arnalǵan «Juldyz» densaýlyq saqtaý lageri jumys isteıdi. Atalǵan jerde jumysshylarymyzdyń balalarynyń demalýyna barlyq jaǵdaı jasalǵan. Budan ózge Taraz jáne Jańatas qalalarynda sporttyq keshender men alańdar bar. Bul qyzmetkerlerdiń bos ýaqyttaryn tıimdi paıdalanýy úshin óte tıimdi. Sonymen qatar kompanııa kásipodaq uıymdarymen belsendi túrde jumys isteıdi. О́z kezeginde jumys berýshi kásipodaq qyzmetkerlerin óz ókilettikteriniń merzimi aıaqtalǵannan keıin burynǵy nemese balamaly jumysyn qamtamasyz etýge kepildik beredi. Eńbekshilerdiń áleýmettik jáne eńbek kepildikterin qamtamasyz etý maqsatynda qolaıly eńbek jaǵdaılaryn jasaý úshin ótken jyly «Qazfosfat» JShS jáne eńbek ujymy arasynda jańa ujymdyq shartqa qol qoıyldy. Munyń barlyǵy jumysshylardyń esh alańsyz jumys atqarýy úshin jasalynyp jatqan jaǵdaı, – deıdi seriktestiktiń bas dırektory, Qazaqstannyń Eńbek Eri Muqash Eskendirov.

El aýmaǵynda D.Mendeleev kestesiniń barlyq derlik elementteri bar. Onyń ishinde bizdiń óńirdiń de áleýeti joǵary. Bul osy saladaǵy qyzmetkerlerdiń jumysty jemisti etip, ári qaraı tereń ǵylymı zertteýlerdi jalǵastyrýlary qajet-aq. Sondyqtan kompanııa óz qyzmetkerlerine barynsha kóńil bólip, ilkimdi is tyndyrýyna jol ashyp otyr. Qyzmetkerler zańnamada qosymsha merekeler, medısınalyq jáne profılaktıkalyq tamaqtaný, sút, kıim, jeke qorǵanys quraldary túrindegi barlyq jeńildikterdi alady eken. Budan basqa, kompanııa barlyq salalarda óndiriske jumyskerlerdi kólikpen tasymaldaý boıynsha shyǵyndy óz moıyndaryna alǵan. О́tken jyly osy sharaǵa 220 mıllıon teńgeden astam qarjy bólinipti. Sondaı-aq qyzmetkerlerge materıaldyq kómek te kórsetiledi. Bul baǵytta jyl saıyn 166 mıllıon teńgeden astam qarjy qarastyrylady eken.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir