Moıynqumda maqtanatyn tirlik kóp

Elbasy N.Á.Nazarbaevtyń 2020 jylǵa deıin Qazaqstan halqynyń kem degende 30 paıyzyn buqaralyq sportqa tartý mindetin belgileýi, dene shynyqtyrý men sporttyń adam ómirine degen mańyzyn barynsha kúsheıtip otyrǵandyǵy belgili.

Qazaqstan Respýblıkasynda dene shynyqtyrý men sportty damytýdyń 2011–2016 jyldarǵa salalyq baǵdarlamasynda da 2020 jylǵa qaraı salamatty ómir saltyn serik etken azamattardyń sanyn 30 paıyzǵa jetkizý kózdelgen bolatyn. Osy oraıda Jambyl oblysyndaǵy Moıynqum aýdanynda da nátıjeli jumystar atqarylýda. Oǵan sportpen shuǵyldanýshylar kórsetkishiniń jyldan jylǵa artyp kele jatqandyǵy dálel bola alady.

2011jyly aýdanda 5950 adam (18,5%,) sportpen shuǵyldansa, 2012 jyly bul kórsetkish 6296 adamǵa nemese 19,5 paıyzǵa artty. 2013 jyly – 6585 adam nemese 20,5 %, 2014 jyly – 7562 adam nemese 23,1%, 2015 jyly – 8158 adam nemese 24,8 % , 2016 jyly 8742 adam nemese 26,6%, 2017 jyly 9246 adam nemese 28,2%, 2018 jyly 9265 adam nemee 28,3% deńgeıinde qalyptasty.

Búgingi tańda Moıynqum aýdanynda 104 sport nysany tirkelgen. Onyń ishinde 1 sport kesheni, 1 ortalyq stadıon, 28 sport zaly men 74 sport alańdary men alańshalary bar.

Atalǵan sport nysandarynyń 86-sy jalpy bilim berý mekemeleriniń, 9-y sport mektebiniń, 4-ýi orta arnaıy oqý ornynyń, 5-ýi basqa mekemelerdiń teńgeriminde.

Aýdandaǵy barlyq 104 sport nysanynyń 62-si sport alańshalary bolsa, onyń 15-si kishi fýtbol alańshalaryn, 4-ýi jasandy tósenishi bar kishi fýtbol alańshalaryn 11 qarapaıym fýtbol alańdaryn quraıdy. Sonymen qatar qarapaıym 23 voleıbol, 20 basketbol, 2 gımnastıkalyq jáne 2 quramdastyrylǵan sport alańshalary bar.

Oblys ákimi men aýdan ákimi arasyndaǵy kelisilgen túıindi nysanaly ındıkator boıynsha 2019 jyly aýdanda qosymsha 12 sport alańshalary salyný josparlanǵan. Iаǵnı 5 kishi fýtbol, 7 voleıbol alańshalary. Onyń 2 fýtbol alańshasy aýdandyq bıýdjetten salynsa (1 alańsha Birlik aýylynda, 1 alańsha Moıynqum aýylyndaǵy ortalyq stadıonnyń ishinde) 1 fýtbol alańshasy (Aqsúıek) jeke baqylaý esebindegi qolma qol aqshadan (KSN) jáne 2 fýtbol alańshasy (Myńaral, Shyǵanaq) demeýshiler esebinen salyný josparlanǵan. Sonymen qatar Kókjelek, Kúshaman, Jambyl, Aqbaqaı, Qylyshbaı, Qarabóget, Hantaý aýyldarynda demeýshiler tarapynan qarapaıym voleıbol alańshalaryn salý josparlanýda.