• USD 389.52
  • EUR 429.21
  • RUB 6.07
  • CNY 54.94
08 Jeltoqsan, 02:22:30
Qazaqstan Ýkraınanyń saýda naryǵyna alańdaýly

20 Qazan, 2019 Aımaqtar

Mádenı sharalardyń máni tereń

Jambyl oblystyq kózi kórmeıtin jáne álsiz kóretin azamattar kitaphanasynda Elbasy-Qazaqstan Respýblıkasynyń Tuńǵysh Prezıdenti N.Nazarbaevtyń «Uly dalanyń jeti qyry» atty maqalasy aıasynda kóshpeli órkenıetimizdiń ejelgi iri tarıhı tulǵalaryn nasıhattaý maqsatynda «Uly dalanyń uly perzentteri» atty tarıhı marafon ótkizildi.

Tarıhı marafonda Ábý nasyr Ál-farabı, Abaı Qunanbaev, T.Rysqulov, Sultanbek Qojanov, taǵy da basqa ult tarıhynda esimderi altyn áriptermen jazylǵan, eliniń san ǵasyrlyq murasyna eńbegi sińgen perzentteriniń urpaǵyna qaldyrǵan eńbekteri keńinen nasıhattaldy.

Sonymen qatar Sh.Ýálıhanov atyndaǵy Jambyl oblystyq ámbebap ǵylymı kitaphanasynda 18 qazan - Qazaqstan Respýblıkasy Rýhanı kelisim kúnine oraı jas urpaqtyń boıyna dinı salaýattylyqty qalyptastyrý maqsatynda «Dinı ekstremızm, terrorızm – beıbitshilikpen pen turaqtylyqqa tóngen qaýip» taqyrybynda Jambyl medısınalyq kolledjiniń 3 kýrs stýdentteri men ustazdarynyń qatysýymen oıtalqy ótti.

Is-shara barysynda kitaphana qyzmetkerleri ekstremızm-nadandyqqa, kórsoqyrlyqqa beıimdelgen kózqaras ekenin, ortalyqtan aýytqý, tártipke baǵynbaý, óz pikirimen ǵana áreket jasaýshy uǵym ekenine toqtalyp, arnaıy beınematerıaldy stýdentter nazaryna usyndy. Rýh kemeldenýi úshin, árbir adam ıbaly, qoǵam ımandy bolý kerektigi de aıtylyp, ult zııalysy, el janashyry Mirjaqyp Dýlatulynyń «Oıan qazaq» óleńinen úzindi oqyldy.

Sondaı-aq D.A.Qonaev atyndaǵy oblystyq balalar men jasóspirimder kitaphanasynda mektep oqýshylarymen qyzyqty jıyn ótti.

Taraz qalasyndaǵy №32 orta mekteptiń 8 synyp oqýshylary qatysqan «Búgingi qazaq poezııasynyń: jetistikteri men olqylyqtary» atty pikirtalastyń maqsaty – oqyrmandardy kópshilik aldynda erkin sóıleýge, óz oıyn jetik, tolyq jetkizýge, sóıleý mádenıetin damytýǵa baǵyttaý. Is-shara barysynda qazaq poezııasy týraly maǵlumat berilip, beınerolık kórsetildi. Oqyrmandar eki topqa bólinip pikirtalas almasyp, ózderiniń utymdy jaýaptaryn aıtyp, ár top óleń joldaryn oqydy.

Rýhanı jańǵyrýǵa baǵyttalǵan mundaı sharalar aldaǵy ýaqytta da jalǵasa beretin bolady.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir