• USD 468.56

  • EUR 497.56

  • RUB 7.3

  • CNY 67.18

29 Naýryz, 13:43:00
Almaty
+35°

Elimiz boıynsha hımııa ónerkásibiniń alyby sanalatyn –«Qazfosfat» jaýapkershiligi shekteýli seriktestigi óziniń jıyrmasynshy belesine aıaq basty. Osy jyldar aralyǵynda óndiris oshaǵy egemendigimizben birge eseıip, táýelsizdigimizben birge tolysa tústi. Seriktestik jumysynyń alǵa basýyna Údemeli ındýstrıaldy-ınnovasııalyq damytý baǵdarlamasynyń tıgizgen sharapaty mol. Sonymen qatar Elbasymyz da bul baǵyttaǵy jumystardy tikeleı óz baqylaýynda ustap, barynsha qamqorlyq kórsetti.

Búginde alyp óndiris oshaǵyn Qazaqstannyń Eńbek Eri, oblystyq máslıhattyń depýtaty Muqash Eskendirov basqaryp keledi. Jambyl jáne Túrkistan oblystaryndaǵy birqatar hımııalyq kásiporyndardy biriktiretin seriktestiktiń óndiristik nysandary «Qarataý» taý-ken óńdeý kesheni, Jańa Jambyl fosfor zaýyty, Mıneraldyq tyńaıtqyshtar zaýyty, Temir jol kóligi kesheni, Shymkent qalasyndaǵy sıntetıkalyq jýý zattaryn shyǵaratyn zaýyttary tirligin tiktep, ónim óndirýde. Jalpy, bul óndiris oshaqtary mıneraldyq shıkizat óndirý, baıytý jáne óńdeý, olardyń negizinde ónerkásiptik ónim men halyq tutynatyn taýarlar shyǵarýmen aınalysady. Sondaı-aq geologııalyq barlaý jumystaryn júrgizip, mıneraldyq tyńaıtqyshtar, sary fosfor jáne onyń qosylystaryn da óndiredi. Negizgi baǵyttarynan basqa «Qazfosfat» JShS fosfor salasyndaǵy kásiporyndardyń qurylymyn damytýǵa, óndiristik prosesterin jetildirýge, qýattylyǵyn arttyrýǵa baǵyttalǵan úlken ister atqarýda. Bul is-sharalar Qarataý fosforıt alabynyń tabıǵı qorlaryn tıimdi paıdalanýdy qamtamasyz etedi.

QR Tuńǵysh Prezıdenti N.Nazarbaevtyń eń basty qaǵıdasy – halqymyzdyń turmys-tirshiligine, ál-aýqatyn arttyrýǵa oń áser etetin ekonomıkanyń túrli salalaryn damytý. Sondyqtan ol óziniń ótken jylǵy «Qazaqstandyqtardyń ál-aýqatynyń ósýi: tabys pen turmys sapasyn arttyrý» atty Qazaqstan halqyna Joldaýynda osy máselelerge keńinen toqtalyp, ony sheshýdi tapsyrǵan bolatyn. Elbasynyń atalǵan Joldaýdaǵy tapsyrmasyna saı, kompanııada jumysshylardyń áleýmettik jaýapkershiligi árqashan damýdyń negizgi kórsetkishteriniń biri bolyp sanalady. Osy oraıda kompanııa basshylyǵy úshin jumyspen qamtý, jalaqynyń ósýi, jumysshylar men olardyń otbasylarynyń densaýlyǵy men ál-aýqatyn basty nazarda. Ustap keledi Máselen, ótken jyly jumysshylardyń jalaqysy 2017 jylǵa qaraǵanda 13,4 paıyzǵa artqan. Al bıylǵy jyldyń 1 qańtarynan bastap bul kórsetkish orta eseppen taǵy 10 paıyzǵa kóbeıipti.

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir