• USD 389.52
  • EUR 429.21
  • RUB 6.07
  • CNY 54.94
29 Qańtar, 22:07:47
Qazaqstan Ýkraınanyń saýda naryǵyna alańdaýly

20 Qazan, 2019 Aımaqtar

Shý aýdanynda qos birdeı meshit ashyldy

Elbasy N.Nazarbaevtyń sarabdal saıasatynyń nátıjesinde elimizde ultaralyq tatýlyq pen konfessııa aralq kelisim berik ornyqty. Búginde keń baıtaq qazaq dalasynda 130-dan astam etnostyń ókili bir úıdiń balasyndaı, bir qoldyń salasyndaı tatý-tátti ǵumyr keshýde. Qazaqstan Respýblıkasynyń Prezıdenti Qasym-Jomart Toqaev ta «Syndarly qoǵamdyq dıalog-Qazaqstan traqtylyǵy men órkendeýiniń negizi» atty Qazaqstan halqyna Joldaýynda tatýlyq pen turaqtylyqty nyǵaıtýǵa, azamattyq qoǵam ınstıtýttaryn damytýǵa aıryqsha nazar aýdardy.

Osy oraıda jańa meshitterdiń ashylýy da jaqsylyqtyń nyshany ispettes. Kúni keshe Shý aýdanynyń jurtshylyǵy osyndaı qýanyshty sátterdiń kýási boldy.

Aldymen Alǵa aýyldyq okrýgine qarasty Saýytbek aýylynda «Asaıyn kálpe» atyndaǵy meshittiń ashylý saltanaty ótti. Aýdan jurtshylyǵy jınalǵan sharaǵa Qazaqstan Musylmandary dinı basqarmasynyń Jambyl oblysy boıynsha ókili, «Hıbatýlla Tarazı» meshitiniń bas ımamy Qanat Jumaǵul arnaıy kelip, meshittiń lentasyn qııý rásimine qatysty. О́z kezeginde mesenat ta meshit qurylysyna qol ushyn tıgizgen azamattarǵa alǵys bildirip, syılyq tapsyrdy.

Sonymen qatar Shý qalasynynyń Batys móltek aýdanynda kelbeti kelisken «Káribaı molda» meshiti óz jamaǵatyna esigin aıqara ashty.

Kóptiń kómegimen, demeýshilerdiń qoldaýymen bitken meshittiń ashylýyna Jambyl oblysy boıynsha Qazaqstan Musylmandary dinı basqarmasynyń ókili, «Hıbatýlla Tarazı» meshitiniń bas ımamy Qanat Jumaǵul arnaıy kelip, ashylý rásimine qatysty.Qurmetti Quran oqylýymen bastalǵan sharaǵa, qutty bolsyn aıtyp, qýanyp kelgen jamaǵattyń qatary kóp boldy. Respýblıkalyq mándegi joldyń boıynda oryn tepken bul meshitke qıyn qystaý kezeńde din úıretip, ustazdyq etken Káribaı moldanyń esimi berildi. Ashylý saltanatynda kelgen Káribaı moldanyń urpaqtary, kózin kórgen kisiler men quda jegjattary sóz sóılep, batalaryn berdi.Quttyqtaýlardan keıin meshittiń lentasyn qııý rásimi ótip, jamaǵat meshittegi alǵashqy namazyn oqydy. Onan bólek osy sharada kir tasyn kóterý, qoı kóterý syndy ulttyq oıyn túrlerinen jarys ótip, jıylǵan jurtqa as berildi. «Káribaı molda» meshiti qaladaǵy 4, aýdandaǵy 28 meshit bolmaq.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir