• USD 468.56

  • EUR 497.56

  • RUB 7.3

  • CNY 67.18

29 Naýryz, 02:11:04
+35°

Jambyl oblysyndaǵy T.Rysqulov aýdanynda Elbasy tapsyrmasyna sáıkes, buqaralyq sport jyldan jylǵa damýda. Jalpy aýdanda 154 sporttyq ǵımarat halyqqa qyzmet kórsetýde. О́tken jyly jabyq sport kesheni paıdalanýǵa berilse, aldaǵy jyly Jaqsylyq aýylynan sondaı sport keshenin osy aýyldyń túlegi, memleket jáne qoǵam qaıratkeri Azamathan Ámirtaev salyp bergeli otyr. Sonymen qatar, 73 alań, 38 fýtbol stadıony, 32 sport zal, 3 tır, eki atý alańy sportshylar ıgiligine jumys isteýde. Aýdandaǵy eki sport mektebinde sporttyń 13 túrinen úıirmeler jumys isteıdi. Tórt aýla klýbynda 620 jasóspirim sportpen shuǵyldanady. Jastar jyly buqaralyq sport túrine 19 myńǵa tarta adam tartylsa, solardyń deni jastar dese bolady.

Aýdan sportynyń 53 jyldyq tarıhynda talaı tańdaı qaqtyratyn jańalyqtar boldy. Aýdandyq sport bólimi Keńes odaǵy tusynda ıaǵnı 1965 jyly quryldy. Oǵan deıin sporttyń buqaralyǵyna asa kóp kóńil bólingen joq. Aýdan sportyn eń alǵash, ıaǵnı 1965 jyly Turbosyn Shálimbetov basqarǵan. 1995 jyldan 2018 jyldary bólimge 23 jyl Ábish (Ábıir) Amankeldiuly Besterekov jetekshilik etti. Osynaý eseli eńbegi eskerilgendikten bolar, Qazaqstan Respýblıkasynyń sport qaıratkeri ataǵy berilgen. Al, «Qaırat» erikti sport qoǵamy aýyl sportynyń damýyna, onyń buqaralyǵynyń artýyna 1991 jylǵa deıin 26 jyl boıy yqpal etti de, jabylyp qaldy. Osy qoǵamdy Japsar Átibekov, SSSR Flotynyń jeńimpazy, belgili bylǵary qolǵap sheberi Kenjebek Bekebaev syndy sportshylar basqardy.

Turar Rysqulov aýdanynan osy jyldar ishinde Azııa, Álem, tipti Olımpıada chempıondary topty jaryp shyqty. Máselen, Jaqsylyq aýylynyń azamaty Ermahan Saǵıuly Ybyraıymov eki dúrkin Azııa chempıony atanyp, Atlanta Olımpıadasynda kúmis, Sıdneı Olımpıadasynda altyn medalǵa ıe bolyp, Qazaqstannyń kókbaıraǵyn eki dúrkin kóterdi. Erkin kúresten Islam Baıramýkov eki dúrkin Azııa chempıony atanyp, Atlantada altynshy oryndy, al, Sıdneıde ekinshi oryn ıaǵnı kúmis medal taǵyp, elge oraldy. Sondaı-aq, qumaryqtyq Aqjúrek Tańatarov 2012 jyly London Olımpıadasynda erkin kúreste beldesip, qola, al, kamenkalyq Eldos Smetov 2016 jyly Rıo Olımpıadasynda dzıýdodan baq synasyp, elge kúmis medalmen oraldy. Osy qatarǵa Tokıo, Rım Olımpıadasynyń chempıony bolǵan aqtanger arǵymaq Absenttiń medaldaryn qossańyz, bir aýdannyń ózinde Olımpıadanyń jeti medali bar ekenine qózińiz jetedi. Sondaı-aq, Qaraqystaq aýylynyń azamaty Ádilet Daýlanbaev Álem birinshiliginde kúmis júlde alyp, Olımpıadalyq rezervke endi.

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir