Elbasy- Qazaqstan Respýblıkasynyń Prezıdenti N.Nazarbaevtyń buqaralyq sportty damytý týraly mejeli mindeti jambyldyqtarǵa da tyń serpin bergeni sózsiz. Osy oraıda Talas aýdanynda da salamatty ómir saltyn serik etetinderdiń qatary jyldan jylǵa artyp keledi. Bul baǵytta ótkizilip jatqan is-sharalar óz nátıjesin berýde.

Mysaly, byltyr aýdan boıynsha ár-túrli deńgeıde 165 sporttyq is-shara uıymdastyrylyp, atalǵan is-sharalarǵa 11 myńnan astam adam tartylǵan.

Onyń ishinde dene shynyqtyrý jáne sport jáne bilim bólimi birlesip ótkizip kele jatqan aýdandyq «Mektep Lıgasy» sporttyq oıyndaryna 500-ge jýyq oqýshy qatysty.

Sonymen qatar, sportpen aınalysýshylardyń qoldaýyna ıe bolyp júrgen sporttyń qarapaıym túrleri boıynsha «Aýla oıyndarynyń» da tıimdiligi mol. Oıyn baǵdarlamasyna qalashyq, láńgi, asyq atý, qashpa dop jáne sekirmek sııaqty sporttyń jyldam qımyl túrleri engizildi, bul jarystarǵa 350-ge jýyq adam qatysty.

Aýdanda buqaralyq sıpat alǵan «Kóshe oıyndary» jarystary jalǵastyrylyp, sporttyń 6 túrin qamtydy. Jarystyń aýdandyq, qalalyq jáne aýyldyq irikteý synyna 800-ge jýyq sportshylar tartyldy.

Sonymen qatar, arnaıy orta bilim beretin oqý oryndarynyń stýdentteri arasyndaǵy spartakıadalar, qazaq kúresinen «Qazaqstan Barysy» respýblıkalyq týrnıriniń aýyldyq, aýdandyq irikteý jarystary, memlekettik qyzmetshileri arasynda spartakıada, aýdan ákimdigi men quqyq qorǵaý organdarynyń arasyndaǵy kishi fýtboldan aýdandyq týrnıri uıymdastyryldy.

Sondaı-aq, asyq atýdan «Altyn saqa» aýyldyq, aýdandyq jarystary, «Ákem, anam, men jáne bizdiń sporttyq otbasy» oıyndary men basqa da kóptegen buqaralyq sıpattaǵy josparly is-sharalar ótkizildi.

Jyl saıynǵy Qazaqstan Respýblıkasy Tuńǵysh Prezıdenti – Elbasynyń qysqy testilerine 2018 jyldyń qorytyndysy boıynsha aýdan turǵyndarynyń 31,0 paıyzy nemese 17 myń adam qatysty.

Atalǵan jarystardyń barlyǵy – aýdanda buqaralyq sportty damytýǵa jáne turǵyndardyń salamatty ómir saltyn ustanýlaryna óz septigin tıgizdi.

Búgingi tańda aýdanda sporttyq rezervterdi daıyndaý maqsatynda Qarataý qalasy men aýyldarda 5 sport mekemesi jumys atqarady.

Osy sport mekemelerinde sporttyń 18 túri qamtylǵan. Onyń ishinde 11 olımpıadalyq, 5 olımpıadalyq emes jáne 2 ulttyq sport túri bar.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir