• USD 468.56

  • EUR 497.56

  • RUB 7.3

  • CNY 67.18

28 Naýryz, 21:51:32
Almaty
+35°

Elbasy N.Nazarbaevtyń qazaqstandyqtardyń 30 paıyzǵa jýyǵyn buqaralyq sportpen qamtý týraly tapsyrmasy Jambyl oblysynda júıeli júzege asýda. Ásirese, Shý aýdanyda atqarylyp jatqan jsharýalar kóptiń kóńilinen shyǵýda. О́ıtkeni, aımaqta jańa sport nysandary kóptep salynýda. Bul iske jekelegen azamattardyń da úles qosyp jatqany qýantady. Mysaly, Saýranbaevtar áýletiniń demeýshiligimen 2018 jyly Eskishý tirek aýyldyq okrýgi, Belbasar aýylynda záýlim sport kesheniniń qurylysy bastalǵan. Bul nysan 200 kelýshige arnalǵan. Munda 4 sport zaly qamtylatyn bolady. Onyń bireýi oıyn zaly bolsa, qalǵandary kúres, boks, aýyr atletıkaǵa arnalǵan. Jańa nysannyń qurylysy úshin 0,26 gektar jer telimi bólinip berildi. Al ǵımarattyń jobalyq smetalyq quny 550 mıllıon teńgeni quraıdy.

Naqtyraq aıtqanda nysannyń qurylys jumystary 2018 jyldyń 29 sáýirinde bastaldy. Búginde biraz jumystar eńserilip qalǵan.

Sonymen qatar «Qosqudyq» móltek aýdanyndaǵy stadıonnyń jóndeý jumystary 2019 jylǵa josparlanǵan.

Qazirgi tańda aýdan ákimdiginiń qurylys, sáýlet jáne qala qurylysy bólimi tarapynan 3,5 mmıllıon teńgege jobalyq smetalyq jáne saraptama qujattary tolyǵymen daıyndalǵan. Jobalyq smetalyq qujattardy «KMS Optıma» jaýapkershiligi shekteýli seriktestigi daıyndasa, saraptama qorytyndysyn «GEO Nýr qurylys» jaýapkershiligi shekteýli seriktestigi ázirledi. Qurylystyń jalpy smetalyq quny 57 mıllıon teńgeni quraıdy.

Budan bólek bıyl Tóle bı aýylynda Shý-Buryl Baıtal avtojoly boıynan dene shynyqtyrý saýyqtyrý kesheniniń qurylysyn júrgizý josparlanýda. Atalǵan qurylysqa Tóle bı aýylynan 1,5 gektar jer telimi bólingen. Jobalyq smetalyq qujattardy daıyndaýǵa jergilikti bıýdjetten 3 mıllıon 400 myń teńge bólingen. Qurylystyń smetalyq quny 295 mıllıon teńgeni quraıdy.

Búgingi kúnge aýdan ákimdiginiń sáýlet, qala qurylysy jáne qurylys bólimi tarapynan 2019 jyldyń 29 mamyr kúni konkýrs jarııalanyp, 2019 jyldyń 6 tamyz kúni ashyldy. Konkýrs jeńimpazy retinde «Taraz qurylys ınvest» jaýapkershiligi shekteýli seriktestigi men aýdan ákimdiginiń sáýlet, qala qurylysy jáne qurylys bólimimen 2019 jyldyń 12 tamyz kúni kelisim-shartqa qol qoıyldy. Qazirgi tańda quzyrly mekemelermen qujattardy sáıkestendirý jumystary júrgizilýde.

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir