• USD 389.52
  • EUR 429.21
  • RUB 6.07
  • CNY 54.94
14 Jeltoqsan, 09:36:08
Qazaqstan Ýkraınanyń saýda naryǵyna alańdaýly

20 Qazan, 2019 Aımaqtar

Ulttyq sportty damytýǵa kóńil bólinýde

Búginde Jambyl oblysynda ulttyq sport túrlerin damytýǵa kóptep kóńil bólinýde. Bul mindet Elbasynyń buqaralyq sportty damytý týraly tapsyrmasymen tyǵyz astasyp jatyr. Onyń jarqyn mysalyn Talas aýdanyndaǵy tyndyrymdy tirlikterden de ańǵarýǵa bolady.

Aýdanda ulttyq sport túrlerin damytý boıynsha at sportynan 2 shtat, al toǵyzqumalaq sport túrine 1 shtat bólinip, tıisti mamandar jumysqa qabyldanǵan.

Jalpy aýdan boıynsha balalar jasóspirimder sport mektepteri men aýla jáne sport klýbtarynda 7-den 18 jasqa deıingi sportpen shuǵyldaný kórsetkishi 24,7 paıyzdy nemese 2 myń 96 balany qurady.

Aýdanda kóleminde bıylǵy 7 aıdyń qorytyndysy boıynsha sportpen júıeli túrde shuǵyldanatyn dene múmkindigi shekteýli adamdar qatary 117 adamdy nemese 7,0 paıyzdy quraıdy.

Esepti merzimde aýdan boıynsha dene múmkindigi shekteýli sportshylar arasynda 6 sporttyq is-shara uıymdastyrylyp, oǵan 57 adam qatysty.

-2019 jyly «Úmit» qımyl-tirek apparaty buzylǵan balalarǵa arnalǵan mektep ınternaty memlekettik mekemesiniń 35 oqýshysy «Shanyraq» fıtnes klýbyna turaqty dene shynyqtyrý jáne sportpen shuǵyldanýda. Bul ótken jylmen salystyrǵanda 13 balaǵa artyp otyr.

Sonymen qatar, osyndaı nasıhat sharalary aýdandaǵy quzyrly organdardyń esebinde turatyn «Qıyn tobyndaǵy» kámeletke tolmaǵandar arasynda turaqty sportqa tartý jumystary da nazardan tys qalǵan emes. Jyl basynda aýdandyq ishki ister bólimimen birlese otyryp, sport mekemeleriniń tarapynan 7 jasóspirim sportqa tartyldy. Olar sport mektepterinde kógaldaǵy hokkeı, boks, basketbol jáne qazaq kúresi sport túrlerimen aınalysýda. Aldaǵy ýaqytta da osy baǵytta jumystar jalǵasyn tabady,-deıdi Talas aýdany ákimdigi deneshynyqtyrý jáne sport bóliminiń basshysy Erik Mamadııarov.

Jalpy, 7 aıdyń qorytyndysy boıynsha aýdanda salaýatty ómir saltyn nasıhattaý baǵytynda barlyǵy 201 sporttyq is-shara uıymdastyrylyp, atalǵan is-sharalarǵa 18 myńnan astam adam qatysty.

Osylaısha taǵylymdy Talas jerinde buqaralyq sportty damytýǵa basa kóńil bólinýde. Bul turǵyda barlyq sanattaǵy turǵyndardy qamtýǵa basymdyq berilip jatqandyǵy qýantady. Aýqymdy jumystardyń aldaǵy ýaqytta da júıeli jalǵasa beretindigine senim mol.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir