• USD 389.52
  • EUR 429.21
  • RUB 6.07
  • CNY 54.94
10 Jeltoqsan, 20:35:06
Qazaqstan Ýkraınanyń saýda naryǵyna alańdaýly

20 Qazan, 2019 Aımaqtar

Talastyqtardyń jetistigi tańdaı qaqtyrady

Jambyl oblysyndaǵy Talas aýdanynda buqaralyq sportty damytý baǵytynda kóptegen jumystar atqarylýda. Ásirese, bıyl ótkizilip jatqan dodalardyń salmaǵy bólek. Atap aıtqanda, Jastar jylyna oraı áýesqoı komandalar arasynda kishi fýtbol, voleıbol, basketbol, bokstan aýdan birinshiligi, doıbydan, qazaq kúresinen jasóspirimder, jastar arasynda oblys, aýdan birinshiligi, ústel tennısinen oblystyq ashyq týrnıri, arnaıy orta bilim beretin oqý oryndarynyń stýdentteri, memlekettik qyzmetkerler, ardagerler arasyndaǵy spartakıadalar, qazaq kúresinen «Qazaqstan Barysy» respýblıkalyq týrnıriniń aýyldyq, aýdandyq irikteý jarystary, «Ákem, anam jáne men-sporttyq otbasy oıyndary, «Rýhanı jańǵyrý» baǵdarlamasy aıasynda aýdandyq «Aýla oıyndary, «Ulttyq sport túrleriniń festıvali» men basqa da kóptegen buqaralyq sıpattaǵy josparly is-sharalar ótkizilgen.

Sonyń ishinde, aýdandyq polısııa bólimi, aýdan ákimdiginiń bilim bólimi jáne jastar resýrstyq ortalyǵymen birlese kámeletke tolmaǵan jasóspirimder, probasııa qyzmetiniń esebinde turǵan azamattar arasynda kishi fýtboldan, mektep oqýshylary arasynda «Alaý» áskerı-patrıottyq aýdandyq jarystary uıymdastyrylyp, ótkizilgen bolatyn.

Elbasynyń «Bolashaqqa baǵdar: rýhanı jańǵyrý» maqalasyndaǵy mindetterdi aýdan kóleminde júzege asyrý maqsatynda 2019 jyly «Atameken» kishi baǵdarlamasy boıynsha 3 joba aýdandyq reestrge engizilgen. 1 sporttyq is-shara óz deńgeıinde uıymdastyrylyp ótkizildi, al 2 joba aldaǵy ýaqytta, ıaǵnı 4 toqsanda ótkiziledi dep kútilýde.

Aıta ketý kerek, qandaı saıys bolmasyn talastyq tolaǵaılardyń tabysy tolastaǵan emes. Aýdan sportshylary ártúrli deıgeıindegi halyqaralyq, respýblıkalyq jáne oblystyq sporttyq básekelerde joǵarǵy sporttyq kórsetkishterge qol jetkizdi.

2019 jyldyń alǵashqy jartyjyldyǵynyn ózinde 11 sportshy «Qazaqstan Respýblıkasynyń sport sheberi», 17 sportshy «Qazaqstan Respýblıkasynyń sport sheberine kandıdat» ataǵyna ıe boldy.

Aýdan sportshylary Halyqaralyq jarystarda – 7 medalǵa qol jetkizse (4 altyn, 2 kúmis, 1 qola), Respýblıkalyq jarystarda – 38 medal (8 altyn, 17 kúmis, 13 qola) jáne oblystyq jarystarda – 125 medal (31 altyn, 43 kúmis, 51 qola) enshiledi. Iаǵnı, aýdan sportshylarynyń enshisinde170 medal bar.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir