• USD 389.52
  • EUR 429.21
  • RUB 6.07
  • CNY 54.94
09 Jeltoqsan, 14:51:49
Qazaqstan Ýkraınanyń saýda naryǵyna alańdaýly

20 Qazan, 2019 Aımaqtar

Buqaralyq sportqa basymdyq berilýde

Qazaqstan Respýblıkasy Tuńǵysh Prezıdenti N.Nazarbaevtyń 2018 jylǵy 5 qazandaǵy «Qazaqstandyqtardyń ál-aýqatynyń ósýi: tabys pen turmys sapasyn arttyrý» atty Qazaqstan halqyna Joldaýyn iske asyrý jónindegi jalpy ulttyq is-sharalar josparynyń «Qoǵamdyq keńistikterdi, parkterdi, skverlerdi jáne t.b., onyń ishinde buqaralyq sportpen jáne dene shynyqtyrýmen aınalysý úshin abattandyrý boıynsha sharalar keshenin qabyldaý» 56-tarmaǵyn iske asyrý maqsatynda bıyl Jambyl oblysynyń Talas aýdanynda aımaqtyq jol kartasy jasaqtalyp, bekitildi. Ári bul mindet aýdan ákimi men aýyldyq okrýg ákimderi arasyndaǵy kelisimderdiń túıindi nysanaly ındıkator kórsetkishterimen de sabaqtasyp otyr.

Jalpy 2019 jyly aýdandyq aımaqtyq jol kartasy aıasynda 6 sport nysany aıqyndaldy. Olar Berikqara, Qyzyláýit, Qarataý, Tamdy, S.Shákirov aýyldyq okrýgterinde sport alańshalaryn, ıaǵnı strıtvorkaýt, kishi fýtbol alańshalaryn ornatý jáne Úsharal aýyldyq okrýginde sport kesheniniń qoldanysqa berý boıynsha ázirlengen.

Qazirgi kezde demeýshiler esebinen Qyzyláýit aýylynda «Strıt vorkaýt» sport alańshasynyń qurylysy tolyq aıaqtalyp, jergilikti turǵyndardyń ıgiligine berildi.

Búgingi kúnge turǵyndardyń, onyń ishinde jastardyń buqaralyq sportpen shuǵyldanýy úshin sport nysandaryna qoljetimdiligin arttyrýda 211 sport nysany anyqtaldy. Onyń 70-i Qarataý qalasynda bolsa, 141-i aýyldarda.

Olarda turǵyndar úshin arnaıy kesteler jasalyp, ol kesteler jergilikti gazette jarııalandy. Jalpy, qoljetimdi sport nysandarynyń sany 2018 jylmen salystyrǵanda 99-ǵa ósken. Aýdan turǵyndarynyń sportpen turaqty túrde shuǵyldaný maqsatynda sport nysandarǵa qoljetimdiligin arttyrý úshin turaqty monıtorıng júrgizý jumystary áli de jalǵasýda.

Búgingi tańda aýdan kóleminde 7 sport mekemeleri jumys atqaryp keledi. Onyń ishinde: 4 balalar-jasóspirimder sport mektebi, «Juldyz» aýla jáne balalar jasóspirimder dene shynyqtyrý sport klýby jáne «Dene shynyqtyrý saýyqtyrý kesheni» qyzmet etýde.

Sonymen qatar, aǵymdaǵy jyldyń aqpan aıynda aýdan ákiminiń qoldaýymen aýyl jasóspirimderiniń bos ýaqyttaryn tıimdi paıdalaný jáne buqaralyq sportty damytý maqsatynda Oıyq aýyldyq okrýginde «Oıyq aýylyndaǵy balalar men jasóspirimder aýla jáne dene shynyqtyrý sport klýby» kommýnaldyq memlekettik mekemesi qurylyp, qazirgi tanda jumys atqarýda.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir