Talasta tolaıym tirlik bar

Elbasynyń elimizde buqaralyq sportpen aınalysýshylar qataryn 2020 jylǵa deıin 30 paıyzǵa paıyzǵa jetkizý jónindegi tapsyrmasyna sáıkes Jambyl oblysynyń Talas aýdanynda tyndyrymdy tirlikter atqarylýda.

Jalpy aýdan sportyn órkendetý boıynsha tórt nysanaly ındıkator belgilengen. Onyń biri «Júıeli túrde dene shynyqtyrýmen shuǵyldanatyn barlyq jastaǵy turǵyndardyń sanyń arttyrý» bolsa, ekinshi nysanaly ındıkator «Aýyldy eldi mekenderde turǵyndar dene shynyqtyrýmen aınalysý úshin sport alańshalaryn (ámbebap alańsha, strıtvorkaýt, sporttyq kúsh qurylǵylarmen jabdyqtalǵan alańsha jáne t.b.) salý». Sonymen qatar úshinshi nysanaly ındıkator «Turǵyndardyń sport nysandaryna qoljetimdilikti arttyrý» jáne tórtinshi baǵyt retinde «7-den 18 jasqa deıingi balalar men jasóspirimderdiń sport mektepterinde jáne dene daıyndyǵy sport klýbtarynda dene shynyqtyrýmen jáne sportpen shuǵyldanatyn balalar men jasóspirimderdi qamtý» kórsetkishteri belgilengen.

-Sport salasyndaǵy memlekettik saıasattyń basym baǵyttarynyń biri aýdan turǵyndarynyń deni saý ult bolyp qalyptasýyn qamtamasyz etýge jáne damytýǵa negiz bolatyn buqaralyq sportty tıisti deńgeıde damytý úshin jaǵdaı jasaý bolyp tabylady.

Osy oraıda 2019 jyldyń qańtar – tamyz aıynyń qorytyndysy boıynsha aýdanda dene shynyqtyrý jáne sportpen júıeli túrde shuǵyldanýshylar qatary 29,78 paıyzdy qurap, 16 myń 407 adamǵa jetip otyr. Bul kórsetkish 2018 jylmen salystyrǵanda 0,5 paıyzǵa nemese 318 adamǵa artty.

Sonymen qatar, dene shynyqtyrý jáne sportpen júıeli túrde shuǵyldanatyn 14 jastan 29 jasqa deıingi jastar sany 6 myń 325 adamǵa jetti,-deıdi Talas aýdany ákimdigi deneshynyqtyrý jáne sport bóliminiń basshysy Erik Mamadııarov.

Qazirgi tańda statıstıkalyq málimetterge sáıkes aýdanda sport nysandardyń jalpy sany 213-ty qurap otyr. Olardyń qatarynda 1 stadıon, 1 sport kesheni, 35 sport zal, 85 fýtbol alańy, 84 sport alańshalary, 1 atý tıri jáne ıkemdelgen 6 sport zaldar bar.

Aýdandyq sport ınfraqurylymyn keńinen damytý maqsatynda bıylǵy jyldyń sáýir aıynda Qarataý qalasyndaǵy ortalyq stadıonnyń qorshaýlaryn aýystyrýǵa jáne Oıyq aýylyndaǵy úlken fýtbol alańyń qorshaýǵa jalpy 4 mıllıon 587 myń teńge bólinip, qorshaýlaryn aýystyrý-jóndeý jumystary tolyq aıaqtalyp otyr.