• USD 389.52
  • EUR 429.21
  • RUB 6.07
  • CNY 54.94
09 Jeltoqsan, 14:47:50
Qazaqstan Ýkraınanyń saýda naryǵyna alańdaýly

20 Qazan, 2019 Aımaqtar

Balalar qaýipsizdigi – basty nazarda

Jambyl oblysynyń Shý aýdanynda keń kólemdi «Qaýipsiz mektep avtobýsy» aksııasy ótkizildi. Balalardy bilim berý uıymdaryna tasymaldaýdy uıymdastyrý barysynda olardyń qaýipsizdigin qamtamasyz etýge baǵyttalǵan shara mektep avtobýstarynyń tasymaldaýdy júzege asyrýy kezinde jol-kólik oqıǵalarynyń aldyn alýdy kózdeıdi.

Aksııany ótkizý kezinde aýdandaǵy bastaýysh synyp oqýshylarynyń arasynda «Baǵdarsham» dep atalatyn 76 kórme, beıneleý ónerinen 105 saıys jáne osy baǵyt boıynsha 576 tárbıe saǵaty uıymdastyrylypty. Osy is-sharalar barysynda aýdan oqýshylaryna jol erejesine qatysty vıdeorolıkter de kórsetilgen. Sonymen qatar, respýblıkalyq aksııa aıasynda aýdandyq polısııa bóliminiń qyzmetkerleri men aýdan ákimdigine qarasty bilim bóliminiń mamandary birlese jumys atqaryp, aýdandaǵy 24 mektepte «Abaılańyz, balalar!» atty taqyrypta túsindirý jumystaryn júrgizgen.

Aıta ketý kerek, dál osy aksııanyń maqsatyna sáıkes, aǵymdaǵy aıdyń basynda oqýshylar tasymalyna arnalǵan qoǵamdyq kólikterdiń tehnıkalyq jaǵdaıy zerdelengen bolatyn. Belgili bolǵandaı, aýdandaǵy 8 eldi mekennen 323 oqýshy tasymalmen oqytylady eken. Oǵan keıbir aýylda mekteptiń bolmaýy nemese bastaýysh synyptyń ǵana bolýy sebep bolyp otyr.

Joǵaryda atalǵan baıqaýǵa aýdanymyzdaǵy orta mektepterden 7 qoǵamdyq kólik qatysty. Olardyń qatarynda Shý qalasynda ornalasqan S.Seıfýllın, Tasótkel aýylyndaǵy T.Rysqulov, Kóktóbedegi Jambyl, Báıdibektegi M.Mámetova, Moıynqum aýylyndaǵy Moıynqum, Dalaqaınar aýylyndaǵy T.Áshimbaev jáne Belbasar aýylynda ornalasqan Sh.Ýálıhanov atyndaǵy orta mektepter bar. Atalǵan 7 avtokóliktiń de sanıtarlyq jaǵdaıy tekserilip, alǵashqy medısınalyq kómekke qajetti qural-jabdyqtar men órt sóndirgish quraldary da tolyq qaraldy. Tipti, ondaǵy dári-dármektiń jaramdylyq merzimderine deıin qatań tekserildi. Atqarylǵan sharalardyń nátıjesine súıene kele, aýdan ákimdiginiń bilim bólimindegi qyzmetkerler úzdik qoǵamdyq kólikterdiń júrgizýshilerin Alǵys hattarmen marapattady.

Bul sharalardyń legi ótken aptada aýdan ortalyǵynda jalǵasyn tapty. Ol aksııaǵa Jambyl atyndaǵy gımnazııa, E.Bekmahanov atyndaǵy gımnazııa, M.Maqataev atyndaǵy orta mektep jáne Shý qalasyndaǵy ál-Farabı men Abaı atyndaǵy mektepterdiń oqýshylary qatysyp, án aıtyp, myń burala bı bıledi. Aksııanyń shymyldyǵyn ashyp bergen bilim bóliminiń sektor meńgerýshisi R.Myqtybekova sóz sóılep, oqýshylarǵa sáttilik tiledi. Shara barysynda «Jol erejesin saqtańyzdar!» degen taqyryppen jolǵa sýret salý baıqaýy ótti. Nátıjesinde, júzden júırik, myńnan tulpar shyqqan oqýshylar arnaıy syılyqtarmen jáne Alǵys hattarmen marapattaldy.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir