• USD 468.56

  • EUR 497.56

  • RUB 7.3

  • CNY 67.18

29 Naýryz, 18:37:50
Almaty
+35°

Balalar – qoǵamymyzdyń eń álsiz, qorǵansyz bóligi jáne olar quqyqsyz bolýǵa tıis emes. Perzıdent Qasym-Jomart Toqaev Qazaqstan halqyna Joldaýynda árbir azamattyń, onyń ishinde balalardyń quqyǵy qorǵalýyn talap etetinin atap aıtty. Sondaı-aq, Osy jyldyń 1 sáýirinde Qazaqstan Respýblıkasynyń Prezıdenti Q.Toqaev «Qazaqstan Respýblıkasynyń keıbir zańnamalyq aktilerine balanyń quqyqtaryn qorǵaý jónindegi fýnksııalardy júzege asyratyn uıymdardyń qyzmetimen baılanysty máseleler boıynsha ózgerister men tolyqtyrýlar engizý týraly» jańa Zańyna qol qoıdy. Ol kúshine endi. Iá, qandaı jaǵdaıda bolsyn elimizdiń jetkinshekteri zańmen qorǵalýǵa tıis. Zań aldynda báriniń quqyǵy birdeı.

Osy oraıda, kúni keshe Qordaı aýdanyna Qazaqstan Respýblıkasy Prezıdenti ákimshiligi janynan qurylǵan balalardyń quqyqtary men zańdy múddelerin qorǵaýdy qamtamasyz etý júıesin jetildirý, zerdeleý jáne usynystardy jınaý jónindegi jumysshy top músheleri kelip, sarapshylar aldymen aýdan ákimdiginde ótken arnaıy jıynǵa qatysty.

Jıynǵa áleýmettik sala jáne bilim berý uıymdarynyń basshylary, aýdan ákimdigi janyndaǵy kámeletke tolmaǵandardyń isi jáne olardyń quqyqtaryn qorǵaý jónindegi komıssııa músheleri, aýdandyq polısııa bóliminiń kámeletke tolmaǵandardyń isi jónindegi bóliminiń qyzmetkerleri qatysty. Onda QR Prezıdent ákimshiliginiń jastar isi jáne otbasy komıtetiniń basqarma basshysy Azamat Belkaırov jumysshy top saparynyń maqsatyn túsindirip, balalardyń quqyǵyn qorǵaýdaǵy problemalyq tustarǵa toqtalyp ótti. Jıyn barysynda qatysýshylar balalardyń quqyǵy boıynsha pikir almasyp, suraqtaryn joldap, tıisti jaýaptaryn aldy.

Sodan keıin jumysshy tobynyń músheleri aýdan ákiminiń orynbasary Erlan Orynbaevpen birge Abaı atyndaǵy №3 OM jáne №51 OM, Noǵaıbaı aýylyndaǵy aýyl sharýashylyq kolledjin, múgedek balalardy ońaltý jáne beıimdeý ortalyǵyn aralap, kámelet jasyna tolmaǵandar arasynda quqyq buzýshylyqtardyń aldyn alý boıynsha ıývenaldy polısııa qyzmetin zerdeledi. Odan keıin sarapshylar ataýly áleýmettik kómek alatyn Áljan ana aýylynyń turǵyndarymen kezdesip, áńgime-dúken qurdy.

Sapary sońynda Elordadan kelgen jumysshy top aýdanda atqarylyp jatqan jumystarǵa rızashylyǵyn bildirdi.

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir