• USD 389.52
  • EUR 429.21
  • RUB 6.07
  • CNY 54.94
28 Qańtar, 14:50:04
Qazaqstan Ýkraınanyń saýda naryǵyna alańdaýly

20 Qazan, 2019 Aımaqtar

Jumys ónimdiligin tıimdi tehnologııa arttyrady

Aýyl sharýashylyǵy – el ekonomıkasynyń artýyna zor serpin beretin jetekshi salalardyń biri. Sondyqtan da búgingi tańda osy baǵyttyń damýyna erekshe kóńil bólinip, sıfrlandyrý jumystary qolǵa alynýda. Atalmysh sala Jambyl oblysynda da qulashyn keńge jaıyp keledi. Onyń bir dáleli retinde kúni keshe Qordaı aýdanyndaǵy Qaqpatas aýylynda Almaty qalasynan arnaıy kelgen mamandar sharýa qojalyqtarynyń ıelerimen kezdesý ótkizdi.

QR Aýyl sharýashylyǵy mınıstrligi «Ulttyq agrarlyq ǵylymı bilim berý ortalyǵyna» qarasty Qazaq mal sharýashylyǵy jáne jem-shóp óndirisi ǵylymı zertteý ınstıtýty elimizdiń ár túkpirindegi sharýa qojalyqtarynyń ıelerimen kezdesip, trenıng ótkizip, aýyl sharýashylyǵy salasynyń damýyna óz septigin tıgizýde. Jaqynda atalmysh ortalyq ókilderi aýdanymyzǵa da taban tirep, jergilikti aýyl sharýashylyǵy salasyn kásip etken jandarmen kezdesti. Kezdesýdiń basty maqsaty MTF modeli boıynsha sútti iri qara malyn durys azyqtandyrý týrasynda boldy. Jıynda alǵash bolyp sóz alǵan «QazMShjJО́ǴZI» JShS-niń «Sútti iri qara mal tehnologııa» bóliminiń basshysy, aýyl sharýashylyǵy ǵylymdarynyń kandıdaty N.Seıdalıev sút fermalarynda óndiristik prosesterdi basqarý jónindegi qyzmetti uıymdastyrý boıynsha baıandama jasady. Al, jem-shóp bazasy sútti mal sharýashylyǵyn tabysty damytýdyń negizgi jaıyna toqtalǵan QazMShjJО́ǴZI-niń kishi ǵylymı qyzmetkeri Sh.Asqarova Qazaqstandaǵy sútti mal sharýashylyǵynyń ereksheligin atap, egjeı-tegjeı túsindirip ótti. Sondaı-aq, baıandamashy ónerkásiptik sút óndirisine de toqtalyp, sútti baǵyttaǵy maldy ustaý júıesi men tásilderin taldap, mal azyǵyn óndirýdi uıymdastyrý jáne mal azyǵyn tıimdi paıdalaný máselesin de tilge tıek etti. Semınarǵa arnaıy kelgen jetekshi ǵylymı qyzmetker B.О́mirzaqov iri qara maldy bordaqylaýdyń tıimdi tehnologııasy jaıynda baıandama jasady.

Iri qara maldy bordaqylaý jaıy árkimdi qyzyqtyrmaı qoımasy anyq. Kezdesýge kelgen sharýa qojalyqtarynyń ıeleri osy taqyrypta ózderin tolǵandyrǵan suraqtaryn qoıyp, oǵan B.О́mirzaqov tushymdy jaýabyn berip, bul taqyrypty keńinen qamtydy. Al, kezdesýge qatysýshylardy taǵy bir qyzyqtyrǵan másele sútti iri qara malyn azyqtandyrýda jem-shópti tıimdi qoldanýdyń joldary boldy. Bul jaıynda jetekshi ǵylymı qyzmetker M.Qalmaǵambetov keńinen baıandady.

Sondaı-aq, kóbeıýdiń zamanaýı ádisterin qoldanýdyń ártúrli tásilderin salystyrmaly taldaý, sıyr ýchaskelerindegi klımatty baqylaýdy ońtaılandyrý, taýarly sút fermalaryn jylýmen qamtamasyz etý júıeleri men sút fermalaryndaǵy ekonomıkalyq kórsetkishter máselesi de keńinen qaralyp, ol týraly arnaıy kelgen mamandar toqtalyp, kelýshilerden túsken suraqtarǵa jaýap berdi. Osydan keıin kezdesýshiler «Qaqpatas-Qordaı» JShS sút fermasynda bolyp, ferma basshysy Dúısehan Qoshalıev qonaqtardy zamanaýı tehnologııany qoldanyp otyrǵan fermanyń jumysymen tanystyrdy.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir