• USD 389.52
  • EUR 429.21
  • RUB 6.07
  • CNY 54.94
07 Jeltoqsan, 18:54:00
Qazaqstan Ýkraınanyń saýda naryǵyna alańdaýly

20 Qazan, 2019 Aımaqtar

Ulttyq sport mektebiniń mereıi ústem

Sońǵy ýaqytta elimizde ulttyq sport túrlerine úlken mán berilip júrgenine kópshilik kýá. Osy ıgilikten Jambyl oblysy da shet qalmaı, birqatar jobalar qolǵa alynyp keledi.

Máselen, ótken jyly Qordaı aýdanynda ashylǵan ulttyq sport oıyndaryn dáripteıtin №3 balalar-jasóspirimder sport mektebi búgingi tańda birqatar jumysty eńserip tastaǵan, mekemeniń alǵa qoıǵan jos-parlary da aýqymdy. Onnan astam ustaz ben jattyqtyrýshydan quralǵan mektep alty sport túrinen shákirt tárbıeleýde. Atap aıtsaq, munda balaqaılar asyq atý, báıge, kókpar, qazaq kúresi, toǵyzqumalaq jáne jamby atýdyń qyr-syryn úırenip júr. 2018 jyly alǵash ret asyq atýdan oblystyq chempıonatqa qatysqan mektep oqýshylary jaqsy nátıje kórsetken. Ulttyq sporttyń ózge túrleri boıynsha da jeńisti joldarǵa túsetin kún alys emes deıdi ondaǵy ustazdar. Bıyl mektepte oqýshylar sany artyp, ulttyq sportqa qyzyǵýshylyq tanytqandar sany kún sanap kóbeıip keledi eken.

Osy tusta, mektep tárbıelenýshileriniń qysqa aralyqta jetken jetistikteri jaıynda aıta ketken jón. Máselen, 2019 jyldyń qańtarynda T.Rysqulov aýdanynda ótken qazaq kúresinen oblystyq chempıonatqa Jomart Uzaqbaıdyń jetekshiligimen 14 jas palýan attanyp, Meıirbek Baızaq birinshi, Ulan Zakır júldeli úshinshi oryndy ıelenip qaıtty. Aqpan aıynda Merki aýdanynda toǵyzqumalaqtan ótken jarysqa 13 oqýshy qatysyp, onyń 10-y júldeli oryndarǵa ıe bolǵan. Al, Baızaq aýdanynda toǵyzqumalaqtan ótken oblystyq týrnırde sport mektebi balalarynyń aıy ońynan týyp, júldeli oryndardy qanjyǵaǵa baılap qaıtqan. Osy oraıda, jattyqtyrýshy Mádı Sharaptyń eńbegin erekshe atap ótken jón.

№3 balalar-jasóspirimder sport mektebinde at sportyna erekshe mán beriledi. Bıyl naýryz aıynda kókpardan aýdandyq týrnır ótip, oǵan ár aýyldyq okrýgten kelgen 12 komanda qatysyp, nátıjesinde qaqpatastyq kókparshylar bas júldeni jeńip alǵan. Ulystyń uly kúnine oraı kókpar, báıge, toǵyzqumalaq jáne asyq atýdan jarys uıymdastyrylyp, úzdikter baǵaly syılyqtarmen marapattalsa, 1-mamyr merekesinde asyq atýdan aýdandyq týrnırde №3 balalar-jasóspirimder sport mektebiniń oqýshylary jeńimpaz atanypty. Al, 7 mamyr - Otan qorǵaýshylar kúnine oraı Otar aýylynda ótken qazaq kúresinen jarysta kenendik jas palýan Ákimǵalı Sultanǵalı chempıon atandy. Sondaı-aq, kúni keshe О́tegen aýylynda ótken dúbirli toıda №3 balalar-jasóspirimder sport mektebiniń uıytqy bolýymen qazaqsha kúres, aýdaryspaq, kókpar jáne báıgeden aýqymdy jarystar ótti. О́tegen babamyzdyń urpaqtary qazaqı dástúrmen elimizdiń túpkir-túpkirinen kelgen sportshylardy yntalandyrý maqsatynda qomaqty júldeler tikkenine kópshilik kýá.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir