20 Qazan, 2019 Aımaqtar

"Qazfosfat-20" marafony ótti

Halyqtyń densaýlyǵy – el damýynyń mańyzdy tutqasy, bolashaǵymyzdyń kepili. Dana halqymyz densaýlyqtyń qadirin, mańyzyn aıryqsha uǵynyp, barlyq ıgilikten joǵary sanaǵan. Tirshiliktiń naǵyz ózeginen alynǵan «Birinshi baılyq – densaýlyq» degen ataly sóz osyǵan dálel. Deni saý urpaq qana eldiń, ulttyń bolashaǵy bola alady. Adamzatty bereke-birlikke, beıbitshilikke úndeıtin de osy – sport. Osy oraıda, Qazaqstan halqyna arnalǵan jyl saıynǵy Joldaýlar, memlekettik baǵdarlamalar halyqty buqaralyq sportpen shuǵyldanýǵa kóptep tartý jáne salamatty ómir saltyn qalyptastyrý máselelerin úndep keledi.

Elimizde sporttyń buqaralylyǵyn arttyrý maqsatynda memleket tarapynan barynsha jaǵdaı jasalýda. Bul rette Jambyl oblysynyń Sarysý aýdanynda da atalmysh sala nazardan tys qalǵan emes.

Búginde, barlyq sport nysandary turǵyndar úshin qol jetimdi. Odan bólek, aýdanda 5 balalar-jasóspirimder sport mektebi, 1 sport kesheni, 1 stadıon, 30 sport zaly, 25 fýtbol alańy jáne 106 sport alańshalary el ıgiligine qyzmet etýde.

Salany qoldaýǵa bólingen qarjy jyldan-jylǵa ulǵaıa túsýde. Bul ıgiliktiń barlyǵy dene shynyqtyrý jáne sportpen shuǵyldanýshylardyń qataryn kóbeıtinine senimiz mol.

Kúni keshe Sarysý aýdanynyń ortalyǵy Jańatas qalasynda «Qazfosfat» JShS-niń 20 jyldyǵyna arnalǵan 3 shaqyrym qashyqtyqqa júgirý marafony ótti.

Marfonǵa qatysýshylar sany myńnan asyp, úlken-kishi demeı júgirýge degen qulshynystaryn tanytty.

«Qazfosfat» JShS «Qarataý» taý-ken óńdeý kesheniniń dırektory Muratqalı Sársenov bastaǵan barsha kenshiler qaýymy da 20 jyldyqqa arnalǵan marafonǵa eleýli úles qosty.

Mejege jetkender qatarynda jastary 60-ty alqymdaǵandar men alty jasar balaǵa deıin bar. Olardyń qaýipsizdikteri basty nazarǵa alynyp, jedel járdem kóliginen bastap barlyq tıisti mekmeler mamandarymen sońdarynan júrip otyrdy. Abyroı bolǵanda eshqandaı qatysýshy syr bermeı, jeńis syzyǵyna jetti.

Jeńis tuǵyrynan kóringen qatysýshylardy aýdan ákimi Qanatbek Mádibek jáne «Qarataý» taý-ken óńdeý kesheniniń dırektory Muratqalı Sársenov marapattady. Olar belsendiler men jeńimpazdar, er jáne áıel, jas aıyrmashylyqtaryna qaraı arnaıy alǵys hattar men zattaı, qarjylaı syılyqtarǵa ıe boldy.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir