Saptyq baıqaý ótkizildi

Jambyl oblysy Tótenshe jaǵdaıdar departamenti bólimsheleriniń jeke quramymen qysqy kıim nysanyna kóshýge baılanysty saptyq tekserý ótkizildi. Shara barysynda Jambyl oblysy Tótenshe jaǵdaılar departamentiniń jáne Taraz qalalyq Tótenshe jaǵdaılar basqarmasynyń, sondaı-aq О́rt sóndirý mekemesiniń qyzmetkerleri bir sapta turyp QR Ánuraryn oryndady. Odan ári saptyq tekserý júrgizilip, tekseris barysynda azamattyq qorǵaý qyzmetshileriniń kıim nysandary, ózderimen birge jetondarynyń bolýy jáne qyzmettik kýálikteriniń ataqqa jáne laýazymǵa sáıkestigi tekserildi.

Saptyq baıqaý maýsymdyq kıim nysanyna kóshý aıasynda ótti. Mindetterdi oryndaý kezindegi kıim nysandary jáne bas kıim, aıaq kıim men shevrondar, pogondar men tıisti belgilerdiń aıqyndalǵan talaptarǵa saı taǵylýy jiti tekserilip, tutastaı alǵanda jeke quramnyń qysqy kıim nysanymen qamtamasyz etilý deńgeıi boıynsha baqylaý júrgizildi.

Baıqaý sońynda saptyq daıyndyq boıynsha sabaq ótkizilip, saptyq qadam basý, «pármen berý», «áskerı sálemdesý» sekildi daǵdylar jan-jaqty pysyqtaldy.

Shara barysynda qysqy kıim-keshek pen aıyrym belgilerin kııý erejeleri túsindirildi, nysandy kııý erejelerin retteıtin ózge de qujattar jetkizildi. Sondaı-aq, syrtqy túrge erekshe kóńil bólinetini aıtylyp, shash qııý, jarǵylyq aıaq kıim jáne ózge de mindetti atrıbýttardyń bolýy pysyqtaldy.

Vedomstvolyq talaptarǵa sáıkes saptyq baıqaý jeke quramnyń syrtqy túrine qoıylatyn biryńǵaı talaptardyń oryndalýyn qamtamasyz etý úshin jazǵy jáne qysqy kıim nysanyna ótý kezinde jylyna 2 ret ótkiziledi.

Jambyl oblysy Tótenshe jaǵdaılar departamenti bastyǵynyń orynbasary, polkovnık Maqsat Qosybaev jeke quramǵa qarata arnaıy sóz sóledi.

– Jalpy azamattyq qorǵaý organy qyzmetkerleriniń nysandy kıim úlgisi tıisti normatıvti aktilerge sáıkes qatań baqylanatyndyǵyn tilge tıek etip, saptyq baıqaý ótkizý barysynda qyzmettegi nysandy kıim kııý kezinde oryn alatyn zań buzýshylyqtardy anyqtaýǵa jáne anyqtalǵan kemishilikterdi tez arada joıýǵa, sońdaı-aq saptyq mádenıet pen tıisti daǵdyǵysyn arttyrýǵa,tártipti nyǵaıtýǵa jol beredi, – dedi ol óz sózinde.

Aıta ketken jón, О́rt sóndirý qyzmetinde qyzmetkerlerdiń patrıottyq sezimin kóterý maqsatynda ári saptyq mashyqtanýlaryn odan ári jetildire túsýge baǵyttalǵan is sharalar jıi ótkiziletindigi búginde kópshilikke belgili.