• USD 389.52
  • EUR 429.21
  • RUB 6.07
  • CNY 54.94
14 Jeltoqsan, 09:40:01
Qazaqstan Ýkraınanyń saýda naryǵyna alańdaýly

20 Qazan, 2019 Aımaqtar

Maqsat – jemqorlyqsyz qoǵam qurý

M.H. Dýlatı atyndaǵy Taraz memlekettik ýnıversıtetiniń M.F.Úrkimbaev atyndaǵy Jastar saraıynda qoǵamda sybaılas jemqorlyqqa qarsy mádenıetti qalyptastyrý maqsatynda ýnıversıtet stýdentterine arnalǵan «Adaldyq saǵaty» ótkizildi. Kezdesýge QR Sybaılas jemqorlyqqa qarsy is-qımyl Agenttiginiń Jambyl oblysy boıynsha departament basshysynyń birinshi orynbasary Ravıl Tólebaev,«Sanaly urpaq» front-ofısiniń úılestirýshisi Asqar Qadyrqulov, klýb músheleri men ýnıversıtet stýdentteri qatysty.

– Biz sybaılas jemqorlyqqa qarsy agenttik bolǵandyqtan bizdi kóbisi mindetti túrde qylmystyq qýdalaý prosessterine kóp kóńil aýdarady dep oılaıdy. Olaı emes. Biz jumys baǵytyn ózgerttik. Kóbine qoǵamda parasattylyq prınsıpterin dáripteýge baǵyttalǵan is-sharalardy ótkizýdemiz. Osyndaı is-sharalardyń bir kórinisi – respýblıkalyq deńgeıde ótetin «Adaldyq saǵaty». Bizdiń maqsatymyz - sizderdiń oılaryńyzǵa kishkentaı bolsa da oı salý. Sonymen qatar, osyndaı kezdesýler arqyly sizderdiń de oılaryńyzdy bilý, – dedi Ravıl Qýanyshbaıuly.

Departament basshysynyń birinshi orynbasary qoǵamymyzda adaldyq pen parasattylyq prınsıpterin ustanatyn azamattar qataryn kóbeıtý departament aldynda turǵan eń úlken maqsat ekenin aıtty.

Sonymen qatar, Ravıl Tólebaev basqa da is-sharalardyń ótkizilip jatqany týraly málimdedi. Mysaly, Jambyl oblysynyń Bilim basqarmasymen birge «Parasatty otbasy» jarysynyń ótkiziletini týraly habarlap, jarysta «О́nerli otbasy», «О́ndiristegi otbasy» sııaqty on nomınasılardyń da taǵaıyndalatyny týraly aıtty. Keıin osy otbasylar teledıdar men buqaralyq aqparat quraldary arqyly kórsetilip, dáripteletin bolady. Jarys jeńimpazdaryna daıyndalǵan qomaqty syılyq ta bar.

Oǵan qosa, ýnıversıtet pen kolledj stýdentteri arasynda parasattylyq taqyrybynda pikirtalas saıysy ótkiziletin bolady. Bilim basqarmasy bastaýymen ótkiziletin saıys jeńimpazdary parasattylyq elshileri atanyp, túrli mekemelerde ózderiniń ustanymdaryn dáripteıtin bolady. Jaqynda mektep jasyndaǵy oqýshylar arasynda parasattylyq taqyrybynda esse jazý konkýrsy ótkizildi. Onyń qorytyndysymen jıyrma toǵyz oqýshy úzdik bolyp atandy. Olardy da respýblıkalyq deńgeıde parasattylyq elshisi retinde qoǵamdyq jumysqa tartý josparlanýda.

Byltyr departament respýblıkalyq deńgeıde joǵary oqý oryndarynda «Sanaly urpaq» klýbyn ashqan bolatyn. Klýb jetekshisi ýnıversıtet belsendilerin tańdap, klýb qaramaǵynda shoǵyrlandyryp, adam boıyndaǵy jaqsy minez-qulyq qalyptastyrý úshin, jaqsy qasıetterdi shyǵarý úshin jaǵdaı jasamaqshy. Bul uıym departamen qyzmetkerleri men stýdentter arasynda tyǵyz baılanys qurýǵa múmkindik berip, beıresmı qarym-qatynasqa jol ashady. Kezdesý barysynda Ravıl Tólebaev stýdentterdi «Sanaly urpaq» klýby jumysyna atsalysýǵa shaqyrdy. «Adaldyq saǵaty» departamen ókiliniń klýb músheleri men jetekshisimen jabyq otyrysynda jalǵasyn tapty.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir