• USD 468.56

  • EUR 497.56

  • RUB 7.3

  • CNY 67.18

28 Naýryz, 19:19:08
Almaty
+35°

Úndistan Ulttyq Kadet Korpýsynyń delegasııasy arnaıys saparymen Taraz qalasyna keldi. Alystan at arytyp kelgen meımandarmen M.H.Dýlatı atyndaǵy Taraz memlekettik ýnıversıtetiniń rektory Mahmetǵalı Sarybekov kezdesti.

Eki el arasynda 2015-jyly qabyldanǵan memorandým aıasynda kelgen bir ofıser men on eki kadet, M.H.Dýlatı atyndaǵy Taraz memlekettik ýnıversıteti qabyldaǵan úshinshi delegasııa bolyp sanalady.

– Memorandým aıasynda kóp jumys atqarylyp turǵanyna jáne naqty nátıjelerdiń bar ekenine qýanyshtymyn. Tórt jyl boıy eki oqý oryndaryna paıdaly túrli qyzyqty is-sharalar ótkizilip keledi. Bizdiń kýrsanttar Úndistan Ulttyq Kadet Korpýsynyń jumysymen tanyssa, úndi kadetteri bizdiń ýnıversıtetimizdiń jumysymen tanysýǵa múmkindik aldy, - dedi Mahmetǵalı Nurǵalıuly.

Sondaı-aq, ýnıversıtet basshysy ótken jyldyń basynda Úndistannyń Djammý jáne Kashmır qalasynda Dýlatı babamyzdyń jerlengen jerine baryp kelgenin aıtyp, bul sapardy eki ýnıversıtetti baılanystyratyn dostyq kópiri retinde baǵalady.

Úndistannyń Qazaqstandaǵy elshiliginiń áskerı attashesi, polkovnık Mılan Vınaıak Nalavade de eki eldiń dostyǵyn nyǵaıtýda M.H.Dýlatıdyń rólin atap ótti:

– M.H.Dýlatı qoǵam qaıratkeri jáne ǵalym ǵana emes, Úndistan ımperatory taǵaıyndaýymen Kashmır ákimi de bolǵan. Sondyqtan bizdiń tarıhı baılanysymyz uzaqqa sozylǵan. Úndistan elshiligi bul ýnıversıtetti elimizdiń Qazaqstandaǵy kishigirim bólshegi dep sanaıdy. Osy úshin ýnıversıtet rektory men áskerı kafedranyń basshylyǵyna alǵysymyz sheksiz,– dedi Mılan Vınaıak.

Delegasııa basshysy, avıasııa podpolkovnıgi Djaıandan Kandasamı qonaqjaılylyq úshin rahmetin aıtyp, osyndaı qarym-qatynastyń mańyzdylyǵyn atap ótti. «Bul akademııalyq baılanys baǵdarlamasynyń mańyzdylyǵy óte zor. Osyndaı kezdesýler arqasynda Qazaqstan men Úndistannyń bolashaq basshylary tanysyp, aralasyp, dostasyp, keleshekte eki eldiń jaqsy qarym-qatynasta bolýyna óz úlesin qosatynyna senimdimin», - dedi ol.

Kezdesýden keıin Úndistan delegasııasy úshin ýnıversıtet keshenderi men murajaıda ekskýrsııa uıymdastyryldy. Tústen keıin qonaqtar áskerı kafedra korpýsynda bizdiń stýdentterdiń áskerı-tehnıkalyq daıyndyq deńgeıin tamashalady. Kelesi kúnderi sheteldik qonaqtar qalanyń kórnekti jerlerin aralap, arheologııalyq qazba jumystary oryndarymen tanysyp, «Aqyrtas» qalashyǵyn tamashalaıdy.

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir