Jambyldyq stýdentter álem kýbogynan jetistikpen oraldy

AQSh ta San-Hose qalasynda ótken «Enactus» álem kýbogynda el namysyn qorǵaǵan M.H.Dýlatı atyndaǵy Taraz memlekettik ýnıvesıtetiniń stýdentterinen quralǵan jambyldyq komanda bilimdiler báıgesinen joǵary jetistikpen oraldy. Jarystan kelgen bilimpazdarmen ýnıversıtet rektory Mahmetǵalı Sarybekov arnaıy kezdesti.

Kezdesýge olar top edvaızeri «Ekonomıka» kafedrasynyń aǵa oqytýshysy Ámına Nasıbýlınamen birge keldi. Kezdesý kezinde komanda músheleri Enactus álem kýbogyna qatysqandyǵy týraly aıtyp berdi.

– Bul jarys bizdiń komanda úshin mańyzdy jarystardyń biri boldy. Joǵary oqý ornyn, bizdiń elimizdi álemdik deńgeıde, osyndaı mańyzdy jáne tanymal jarystar tanytady, bul jarysqa qatysý biz úshin úlken abyroı boldy. TMD elderinen Ázirbaıjan, Qyrǵyzstan, Reseı jáne Qazaqstan qatysty. Forým birneshe kún ótti jáne baǵdarlama qyzyqty jáne aýqymdy boldy. Biz mádenı jármeńkede de boldyq, onda qatysýshy elder óz halqynyń mádenı dástúrlerimen tanysýǵa tyrysty jáne Intuit kompanııasynan Ford Global Mobility Innovation Challenge, Design Thinking: Business & Innovation Challenge qonaq úıinde qonystandyq, onda jetekshi álemdik kompanııalardyń ókilderimen áńgimelestik. Biz jospar boıynsha ekinshi kúni jarysatyn bolǵanbyz. Alaıda, jerebe boıynsha biz segizinshi lıgada boldyq. Biz bárin jasadyq. Jaqsy orynnan kórinýge tyrysyp baqtyq. Jobamyzdy joǵary deńgeıde qorǵadyq. Sál sáttilik jetispedime bilmedim, biz jartylaı fınalǵa ótken joqpyz. Biraq birde-bir komandadan fınalıst bola almady. Osy kýbokqa tájirıbesi mol komandalar qatysty, olar tek óz eliniń deńgeıinde ǵana emes, birneshe memlekette júzege asyratyn jobalar usyndy. Bizde olardan aıanyp qalǵan joqpyz, kóptegen ýnıversıtetterdiń ókilderi bizidiń jobaǵa qyzyǵýshylyq tanytty. Jarys barysynda US Davis Kalıfornııa ýnıversıtetimen seriktes boldyq. Biz onda eksskýrsııada boldyq, professor Pol Geptspen tanystyq. Ol stýdentter jumys isteıtin zamanaýı tehnıkany kórsetti. Bizdiń jobalarymyzdyń biri olardyń jobasymen ushtasyp jatyr,olar da burshaqty ósirýde. Qazir bizde tyǵyz baılanys bar, biz únemi ol kisimen baılanystamyz, – deıdi komandanyń eks-kapıtany, álemdik kýbok qatysýshysy Kárimjan Súleımenov.

– Biz, basynda, qatty kúttik, - dedi Amına Nasıbýlına. Biz basqa komandalardyń qalaı jumys isteıtinin, olardyń qandaı taqyryptaryn jáne Olardyń jobalarynyń aýqymyn kórdik. Bizge ne qajet ekenin túsindik, qandaı nysandarǵa nazar aýdarý kerek ekendigin bildik.

Komanda músheleri aldaǵy josparlarmen bólisti. «Atameken» kásipkerler palatasynyń trenıg-mektebinde qosymsha bilim alý týraly sheshim qabyldapty. Stýdenttik ortadaǵy qozǵalysty keńeıtýdi maqsat tutypty. Bıylǵy jyly komandaǵa 28 birinshi kýrs stýdentin iriktep alypty, biraq áli de tolyqtyrý kútilýde, sebebi qalaýshylar kóp – deıdi.

Kezdesý sońynda qundy keńesti komanda múshelerine Mahmetǵalı Sarybekov berdi: - Tek ımıdjdik jobalarmen jumys isteńizder. Adamdarǵa naqty paıda ákeletin jáne tek bizde ǵana emes, basqa elderde de suranysqa ıe bolatyn jobalarǵa nazar aýdaryńyzdar - dedi.