• USD 389.52
  • EUR 429.21
  • RUB 6.07
  • CNY 54.94
29 Qańtar, 22:00:22
Qazaqstan Ýkraınanyń saýda naryǵyna alańdaýly

20 Qazan, 2019 Aımaqtar

Jastar men jemqorlyq – qarama-qaıshy uǵymdar

Búgingi tańda jemqorlyq máselesi tek Qazaqstanda ǵana emes, álemniń basqa da elderi úshin asa ózekti másele bolyp tabylady. Qaı memlekette bolsa da eń qaýipti qubylys – jemqorlyqtyń jaıylyp, paraqorlyqtyń dendeýi. Sybaılas jemqorlyqtyń órship turǵan kezinde qoǵam eshqashan alǵa baspaıdy, kerisinshe memlekettiń damýy tejeledi. Qazaqstannyń bul máseledegi ahýaly osy qoǵamnyń kez kelgeniniń alańyna aınaldy. Búginde bizdiń qoǵamda jemqorlyq pen paraqorlyq aralaspaǵan sala qalmady. Sebebi, sybaılas jemqorlyq ulttyq shekteýlerdi bilmeıdi. Ol barlyq jerlerde keń taralǵan. Sybaılas jemqorlyq halyqty qanaýdyń kóleńkeli kórinisi bola otyryp, adamzat qoǵamynyń damý kezeńderinen qalyspaı keledi. Ol barlyq ýaqytta da synǵa ushyrap, aıyptalyp, onymen únemi kúres júrgizilip keledi. Sybaılas jemqorlyq qubylysynyń qaýiptiligi –ol memlekettik bılik qyzmetine halyqtyń senimdiligin joǵaltady. Sondyqtan da, osynaý áleýmettik qubylys ulttyq qaýipsizdikke tikeleı qater tóndiredi. Bul rette, qoǵam dertiniń jastar arasynda jaıylýyn boldyrmaý asa mańyzdy.

Osyǵan oraı, M.H.Dýlatı atyndaǵy Taraz memlekettik ýnıversıtetinde «Jastar arasynda sybaılas jemqorlyqqa qarsy mádenıetti qalyptastyrýdyń erekshikteri» taqyrybynda ashyq semınar-dıskýssııa ótkizildi. Ýnıversıtettiń №2 stýdenttik jataqhanasynda ótken sharany «Sanaly urpaq» front-ofısi uıymdastyrdy.

Is-sharaǵa Qazaqstan Respýblıkasy sybaılas jemqorlyqqa qarsy is-qımyl agenttiginiń Jambyl oblysy boıynsha departamenti basqarmasynyń basshysy Dáýren Omarov, Zań fakýltetiniń dekany Záýresh Abdýkarımova, «Sanaly urpaq» stýdenttik klýbynyń músheleri, ýnıversıtettiń oqytýshylar men stýdentter qatysty.

D. Omarov óziniń sózinde jastarǵa sybaılas jemqorlyqqa qarsy is-qımyl organdarynyń sońǵy kezde atqarǵan jumystary jóninde aıtyp ótti. Sonymen qatar ol birneshe qyzmet barysynda kezdesken oqıǵalarǵa toqtaldy, jáne de semınarǵa qatysýshylardy adaldyqqa, parasattylyqqa beıimdelýge shaqyrdy.

О́z kezeginde Z.Abdýkarımova barlyq stýdentterdi óz bilimderin adal jolmen alý kerektigi týraly áńgimeni qozǵady. Qazirgi kezdegi eńbek naryǵynda tek kásibı mamandarǵa, tek óz salasynyń sheberlerine suranys bolatyndyǵy jaıly, ońaı jolmen kelgen tabystyń berekesi bolmaıtyndyǵy týraly aıtty.

Jıyndy zań fakýlteti boıynsha «Sanaly urpaq» stýdenttik klýbynyń tóraıymy Seıtqasym Aqbota jalǵastyrdy. Ol eń aldymen qatysýshylardy klýbtyń negizgi maqsattarymen, jumysymen tanystyryp shyqty, jáne de sonyń qataryna stýdentterdi kosylýǵa úgittedi.

Aıaǵynda semınarǵa qatysýshylar taqyryp aıasynda pikir almasty, kelgen qonaqtarǵa saýaldaryn qoıyp, tolyqqandy jaýaptar aldy, sonymen qatar parasatty qoǵamdy qurýǵa bir qadam jasady dep aıtýǵa bolady.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir