• USD 389.52
  • EUR 429.21
  • RUB 6.07
  • CNY 54.94
09 Jeltoqsan, 14:58:50
Qazaqstan Ýkraınanyń saýda naryǵyna alańdaýly

20 Qazan, 2019 Aımaqtar

Aýdan ákimi stýdenttermen kezdesti

Jastar jylyna oraı Jambyl oblysynda túrli is-sharalar ótkizilip, jastardyń qoǵamdaǵy ornyn, olarǵa jasalǵan jaǵdaıdy arttyrýǵa baǵyttalǵan jobalar júzege asyrylýda. Solardyń qatarynda ákimderdiń belsendi jastarmen kezdesý ótkizýi dástúrge aınalǵan. Mundaı jıyndarda óreskel urpaq aǵa býynǵa qoǵamdaǵy máseleler jaıly ashyq oılaryn aıtyp, óz saýaldaryna jaýap alady.

Osyndaı kezdesýdiń birin Talas aýdanynyń ákimi Dosmahanbet Alıev ótkizdi. Basqosý aýdan ortalyǵy Qarataý qalasyndaǵy Qarataý qurylys-tehnıkalyq kolledjiniń bazasynda ótti. Kezdesýge aýdandaǵy 4 arnaýly orta oqý orny – Qarataý qurylys-tehnıkalyq kolledji, Qarataý bilim, bıznes jáne tehnologııa kolledji, Qarataý taý-ken kolledji jáne Qarataý № 2 kolledjiniń belsendi stýdentteri qatysty.

Jıynda áýeli aýdandyq Jastar resýrstyq ortalyǵynyń dırektory N. Manatbekov Talas jastarynyń osy jyly jetken jetistikteri men atqarǵan jumystary týraly baıandap ótti. Sonan soń kolledj dırektory D. Maselbekov kolledj qabyrǵasynda oqyp júrgen stýdentterdiń kógaldaǵy hokkeı sportynan QR sport sheberleri atanǵanyn aıtyp, ulttyq «Worldskills» chempıonatynda júldeli ekinshi oryn alǵanyn maqtanyshpen jetkizdi.

Kezdesýde Aýdan ákimi jastarǵa kezdesý erkin formatta ótetindigin, eshqandaı qymsylyp-qymtyrylmaı, kókeılerinde júrgen suraqtaryn esh búkpesiz qoıýlaryn surandy. Kezdesý barysynda Qarataý qurylys-tehnıkalyq kolledjiniń bilimgerleri belsendilik tanytyp, Qasym-Jomart Kemeluly Toqaev «Volonterlar jyly» dep bekitken 2020 jyly aýdanda atqarylatyn sharalar, turmystyq jaǵdaıy tómen bilimgerlerge aýdan ákiminiń grantyn qarastyrý, qala jastaryna arnalǵan saıabaqqa tegin Wi-Fi ornatý, «Jasyl el» baǵdarlamasy boıynsha jumysqa qabyldanatyn stýdentter sanyn kóbeıtý, ulttyq «Worldskills» chempıonatyna qatysatyn stýdentterge demeýshilik kórsetý jaıynda usynystaryn bildirdi. Aýdan ákimi óz kezeginde qoıylǵan suraqtardyń bári nazardan tys qalmaıtynyn, jastardyń usynystaryn jan-jaqty qarap oryndaýǵa ýáde etti.

Kezdesý aıasynda Dosmahanbet Qasymuly kolledjdiń belsendi jastary jatatyn jataqhana, pán boıynsha ótiletin zerthanalyq kabınetter men uıymdastyrylǵan kórmelermen tanysyp ótti.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir