Jastarmen jumys isteý júıesi talqylandy

Statıstıkalyq málimetterge súıensek, Qazaqstan turǵyndarynyń 25 paıyzy jastardan quralǵan. Sol sebepti, memleket jas býyndy qoldap, kótermeleýge, ahýalyn jaqsartyp, jańa jobalaryna qanat bitirýge barynsha kúsh salýda. Bul rette, qatardaǵy jas azamattar men atqarýshy organdardyń arasynda Jastar resýrstyq ortalyqtary «altyn kópir» qyzmetin atqarýda. Osyny eskerer bolsaq, qos tarapty bir-irimen túsinistire, tabystyra bilýi úshin ortalyq mamandarynan joǵary deńgeıdegi biliktilik talap etiledi.

Mamandarynyń biligin arttyryp bilimin tolyqtyrý maqsatynda Jýaly aýdandyq Jastar resýrstyq ortalyǵy «Jastarmen tıimdi jumys jasaýdyń tetikteri» atty semınar- trenıngin ótkizdi. Qazaqstan Respýblıkasynyń «Memlekettik jastar saıasaty týraly» Zańyn júzege asyrý aıasynda «Jastar resrýstyq ortalyǵy» mekemesi qyzmetkerleriniń biliktiligin arttyrý maqsatynda ótken sharany ortalyq dırektory Meıirjan Teleýshov ashyp, júrgizip otyrdy.

Trenıngke «Jastar resýrstyq ortalyǵy» mekemesiniń 14 aýyldyq okrýginiń jastar isi nusqaýshylary qatysty. Basqosýda aýdandyq «Jumyspen qamtý ortalyǵy» mekemesiniń qyzmetkerleri – N.Ultaraqov, N.Tlesbaevtar jastar tájirıbesi baǵdarlamasy jáne aqyly qoǵamdyq jumystar men ataýly áleýmettik kómek alýǵa nıetti jastarǵa qatysty zańnamalyq qujattar jaıynda dárister oqydy. Sonymen qatar, kópbalaly otbasylarynyń aılyq eńbek aqylaryna qosymsha 2020 jyldyń 1 qańtarynan bastap áleýmettik kómektiń taǵy bir túri júzege asatyndyǵyn eskertip, túsindirdi.

Sonan soń «Jumyspen qamtý ortalyǵy» mekemesiniń qyzmetkeri E.Sýramysov jastarǵa arnalǵan nesıeler boıynsha, kásipker jastarǵa kórsetiletin qoldaýlar jaıly keńinen aqparat berdi. Aýdandyq aýrýhananyń psıholog mamany A.Asqar jastar arasynda óz-ózine qol salýǵa barǵan jastarmen jumys júrgizý jáne zorlyq-zombylyqtyń aldyn alý sharalary jaıly túsinik berip ótti.

Aýdandyq «Jańa ómir – Novaıa jızn» gazetiniń aǵa tilshisi Nurjan Manasuly aýdan jastarynyń gazet betterine maqala jarııalaý tártibi týraly túsindirý jumystarymen tanystyrdy. Shaqpaqata aýyldyq okrýginiń jastar isi nusqaýshysy, tájirıbesi mol azamat A.Ahmetov áleýmettik jelini, gazet betterine tıimdi, utymdy, saýatty jarııalaýdyń ádis – tásilderimen bólise ketti.

Semınar-trenıngti qorytyndylaı kele, jastar kókeıindegi saýaldaryna tushymdy jaýaptaryn estip, memlekettik jastarǵa arnalǵan memlekettik baǵdarlamalar týraly ózara oı-pikir almasty.