Jeke máselelerimen qabyldady

«Nur Otan» partııasy Jýaly aýdandyq fılıalynyń qoǵamdyq qabyldaý bólmesinde Jambyl oblystyq polısııa departamenti bastyǵynyń orynbasary Baqytjan Eralın azamattardy jeke suraqtarymen qabyldady. Qabyldaýǵa «Nur Otan» partııasy oblystyq fılıaly qoǵamdyq qabyldaý bólmesiniń meńgerýshisi Úmit Ibraımova, aýdan ákimi apparatynyń basshysy Serik Qoıbaqov, aýdandyq polısııa bóliminiń basshysy Mergenbaı Qoıkenov qatysty.

Qabyldaýǵa jazylǵan B.Jańabaev 25 qyrkúıek kúni turǵyn úıine belgisiz tulǵa terezesin ashý arqyly kirip, qomaqty qarjy men altyn buıymdaryn urlap ketkeni, sodan araǵa alty kún salyp qylmys ashylmaı turyp 1 qazan kúni qaıta túsip, úıin astan-kestenin shyǵaryp shashyp, bir altyn saqına men uıaly telefonyn urlap ketkenin. Búgingi tańda aýdandyq polısııa bóliminiń qyzmetkerleri kúdiktini ustap, tergeý jumystary júrgizilip jatqandyǵy. Polısııa qyzmetkerleriniń aıtýy boıynsha kúdikti ekinshi jaǵdaı boıynsha kinásin moıyndaǵan. Al birinshi jaǵdaı, jalpy aýdanda oryn alǵan páter urlyǵy boıynsha qandaı jumystar júrgizilip jatqanyn surady.

Qabyldaýǵa jazylǵan kelesi azamatsha R.Qaldybekova jubaıynyń uryp-soǵyp, balaǵattaǵany úshin jazǵan jazbasha aryzy boıynsha atqarylyp jatqan jumystardyń nátıjesin surady. Bul saýalǵa Mergenbaı Birlikuly azamat B.Qaldybekov óziniń zańdy nekedegi áıeliniń alǵan dene jaraqaty boıynsha sot medısınalyq dárigerlik saraptama taǵaıyndalǵandyǵyn, saraptama qorytyndysy boıynsha jınalǵan is-qujattar aýdandyq sotqa zańdy sheshim qabyldaý úshin joldanatyndyǵy týraly aıtyp túsindirdi.

Oblystyq polısııa departamenti bastyǵynyń orynbasary Baqytjan Eralın Mergenbaı Birlikulyna aýdandaǵy páter tonaý máselesin qatań baqylaýda ustaýdy jáne aýdandyq ákimdik qyzmetkerleri, aýyldyq ýchaskelik polısııa qyzmetkerleri, aýyldyq aqsaqaldar alqasy, jergilikti aqparat quraldarymen tyǵyz baılanysta jumys isteýdi tapsyrdy. Aldyn alý jumystaryn kúsheıtip, polısııa qyzmetkerleri óz qyzmetin jaýapkershilikpen, patrıotızmmen atqarýy qajet jáne aýyl turǵyndary da óz aýlalaryna qaýipsizdik úshin beıne baqylaý ornatýy qajettigi týraly aıtty.

Qoǵamdyq qabyldaýdy aýdan ákimi apparatynyń basshysy Serik Qoıbaqov qorytyndylady. Ol polısııa bólimine jasalyp jatqan jaǵdaılar týraly aıta kelip, jumystaryna sáttilik tiledi.